Ri Abdiy 1:7 - Quiché Bible

⁷ Conojel ri junam qui wäch awuc' xatquisubu; xatquesaj bic chupam ri kas awulew. Xukuje' ne ri awachil awib cuc' e uxinak c'ulelanelab chawe, ri awachil awib cuc' ri a cuban a c'u'x chquij quiliq'uibam c'amibal chawäch rech catkaj chupam. ¡Ri Edom man c'o ta retamanic!”

Ri Abdiy 1:7 ပူးပေါင်းရင်းမြစ်များ

Salmib 41:10

Ri lal c'ut, Ajawaxel, chel c'u'x la chwe; chinwalijisaj la, quinc'äjisaj c'u na qui wäch jas ri takal chque.

Salmib 41:9

Xukuje' ne ri utzalaj wachil, ri nu cuban nu c'u'x chrij, ri cäwa' junam wuc' ri cutij ri nu caxlanwa, u walijisam rib chwij.

Ri Isaiy 27:11

Ri e u k'ab jun che' quek'ajic aretak quechaki'jaric quepe c'u ri ixokib quequimol bic quequicoj pa k'ak'. Jun tinimit wa' ri man c'o ta u chomanic. Rumal ri' ri Dios ri xq'uiyisanic, man cutok'obisaj ta u wäch mawi quel ta u c'u'x che.

Ri Jeremiy 20:10

Quincuinic quintatabej ri qui jasjatem ri winak: “¡C'o xibriquil pa ronojel c'olbal!” Caquibij: “¡Tisaj jo' che u tzujuxic!” Xukuje' ne ri wachil wib cuc' queyem chi quinkaj pa jun c'ambejebal. Je caquibij wa': “Cäraj ne cuya' rib pa subutajem; cäkaj c'u na pa ka k'ab cakaya' c'u na ri rajil u c'axelal che.”

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Ri Jeremiy 38:22

Conojel ri ixokib ri quecanaj chupam ri rachoch ri ajawinel re Juda quebesax na ulok quejach c'u na pa qui k'ab ri e qui nimal tak rajch'ojab ri ajawinel re Babilon, kas e are' c'ut caquibij na: ‘Ri sibalaj e utzalaj tak rachil ri ajawinel xecuin che u subic xquich'äc c'ut; xquiya' c'olbal chi xebik'taj ri rakan chupam ri xok'ol xquiya' c'u can ri uwo quij chuwäch.’ ”

Ri Jeremiy 4:30

Are c'u ri at, tinimit ri sachic cabano, ¿jasche cawatz'iakij awib ruc' morato?, ¿jasche cawik awib cuc' wikbal re k'an puak?, ¿jasche quebak'o' ri a bak'wäch ruc' k'ek? Man c'o ta chi cupatanij chi caje'lobisaj awib, e are' c'ut ri at lok' chquiwäch at qui q'uiakom canok, are c'u ri caquitzucuj camic are ri a cämical.

Ri Jeremiy 49:7

Tzijol ri cuya' ri Ajawaxel ri c'o ronojel u cuinem che ri cuc'ulmaj na ri Edom: “¿La man c'o ta chi no'j pa Teman? ¿La man queta'm ta chic jas caquiban ri c'o quetamanic? ¿La xetzeletaj ri qui no'j?

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Ri Osey 13:13

Opaninak ri jok'otaj che ri ralaxic ri Israel, jun alc'ualaxel c'ut ri sibalaj co ranima' ri mawi ne ticarel taj che u colomarisaxic rib pa ri ralaxic.

Ri Osey 7:11

Ri Eprain jacha' jun palomax, ri conirinak ri man c'o ta retamanic: cutz'onoj to'banic che ri Ejipt, cabextax chi c'ut pa Asiriy…

Ri Xuan 13:18

Man iwonojel taj quixinbij; in weta'm e jachin tak ri e nu cha'om. Cabantaj c'u wa' rech quebe tz'akat ri e tz'ibatalic: ‘Ri cutij rech ri nu caxlanwa, xuwalijisaj rib chwij.’