Nabe Tzijobelil 13:2 - Quiché Bible

² xubij c'u na che ronojel ri tinimit Israel: “We utz quiwil ix xukuje' we ri Ajawaxel ri ka Dios cuya' ri k'ijol chke, ka taka' u bixic chque ri ka winakil ri e c'o pa tak ri jalan tak ulew pa Israel, xukuje' chque conojel tak ri e cojol tabal tok'ob xukuje' chque tak ri aj levitib ri e c'o pa tak ri qui tinimit xukuje' ri e c'o pa ri yuk'bal, che kula'j rech cäquiban xa' jun kuc',

Nabe Tzijobelil 13:2 ပူးပေါင်းရင်းမြစ်များ

Nabe Ajawinelab 12:7

Ri e are' xquitzelej u bixic che: “We cacoj awib che u patanixic we tinimit camic utzalaj tak tzij c'ut ri catzelej u bixic chque, we winak ri' catquipanij na amak'el.”

Ucab Ajawinelab 9:15

tzelejinak pa Jezreel che u cunaxic rib chque tak ri socotajic ri xquiban ri aj siriyab che pa ri ch'o'j ruc' ri Hazael. Xubij c'u ri Jehu chque ri e rachil chi, we kastzij chi ri e are' cacaj chi are' cux ajawinel, maquiya' c'olbal chi c'o jun mael bic pa ri tinimit che u ya'ic u tzijol pa Jezreel.

Nabe Tzijobelil 10:7

Aretak c'u xquil conojel ri aj israelib ri e jekel pa ri beya' chi e animajinak ri aj israelib, xukuje' chi xcäm ri Saul xukuje' ri e u c'ojol, xequitzak can ri qui tinimit tak xukuje' ri e are' xebanimajic. Xebopan c'ut ri aj pilisteyib xejeki' can pa tak ri tinimit.

Nabe Tzijobelil 13:1

Ri David xutz'onoj u no'j chque ri e qui nimal jujun tak mil ajch'ojab, xukuje' chque ri takanelab, ri u bixic wa', chque conojel ri c'amal tak be,

Nabe Tzijobelil 13:3

che u c'amic ulok ri u caxa ri Ajawaxel, kas pa tak ri u k'ijol ri Saul sachinak can pa ka jolom.”

Elem 18:23

We je cabano jas ri xinbij chawe, we c'u xukuje' je cubij ri Dios chawe, man catk'itaj taj; conojel c'u ri winak ruc' quicotemal quetzelej na cho tak cachoch.”

E C'ambal tak Tzij 15:22

Aretak man c'o ta tow no'j, ri cächomax qui banic man utz ta quebelic; ri utz quelic e are' quebanow ri q'ui ya'l tak no'j.

Ri Isaiy 37:4

C'o ta banom wi xuta' ta ri Ajawaxel ri a Dios ri tzij ri xubij ri qui nimal ajch'ojab ri xtak ulok rumal ri rajaw, ri ajawinel aj Asiriy, che u yok'ic ri c'aslic Dios. C'o ta banom wi cäc'äjisax u wäch rumal rech ri tzij ri kas xuta' ri Ajawaxel ri a Dios. Chabana' ba jun ch'awem ruc' Dios paquiwi' ri c'ä e c'o canok.”

Nabe Samuel 31:1

Ri aj pilisteyib xech'ojin ruc' ri Israel, xebanimaj c'u ri aj israelib chquiwäch, sibalaj c'u e q'ui ri aj israelib ri xecäm pa ri juyub Jilbo.