Nabe Samuel 9:5 - Quiché Bible

⁵ Aretak xopan pa ri rulew ri Zup, xubij ri Saul che ri pataninel ri achilaninak: “Chujtzelejok, are chi oquinak il ri' ri nu tat chke che qui q'uexwäch tak ri ati'tab tak bur.”

Nabe Samuel 9:5 ပူးပေါင်းရင်းမြစ်များ

Ri Matey 6:25

“Rumal ri' quinbij chiwe: Mixoc il che ri i c'aslemal, jas ri quitij na, o jas ri quiwuq'uiaj na; mawi che ri i cuerp, jas atz'iak ri quicojo' na. ¿La ma ta are nim na u k'ij ri c'aslemal chuwäch ri cätijic? ¿La ma ta are xukuje' nim na u k'ij ri cuerp chuwäch ri atz'iak?

Ri Matey 6:28

Xukuje' ri atz'iak, ¿jasche quixoc il che? Chiwesaj i no'j chque ri juyubal tak cotz'i'j, jas ri cäquibano queq'uiyic: man quechacun taj, man quebatz'am taj.

Ri Matey 6:34

Je c'u ri', mixoc il che ri k'ij re chwek; ri k'ij c'ut re chwek cuc'am na ulok ri roquem il. Ri retzelal ri jun k'ij chubana' wa' che.”

Ri Lucax 12:11

Aretak quixc'am bic chquiwäch ri winak pa tak ri ja ri cäquitijoj wi quib ri aj judeyib che ri pixab, chquiwäch ri c'o qui takanic, chquiwäch k'atal tak tzij, mixoc il che jas quiban na che u to'ic iwib, mawi jas quibij na.

Ri Lucax 12:22

Ri Jesus xubij chque ri u tijoxelab: “Rumal ri' quinbij chiwe: Mixoc il che ri i c'aslemal, jas ri quitijo. Mixoc il che ri cuerp, jas iwatz'iak quicojo.

Nabe Samuel 1:1

Pa jun c'olbal pa tak ri juyub re Eprain ri cäbix Rama che, chila' jekel wi jun achi ri rachalaxic ri Zup, Elcan u bi'. Ri u tat ri Elcan are' ri Jeroham, ri u mam are' ri Eliu, ri xiquin u mam are' ri Tohu (ri u tat ri Tohu are' ri Zup), ri aj ramak' ri Eprain.

Nabe Samuel 10:2

Camic ri catel bic chnuwäch, quebarik na quieb achijab chunakaj ri c'olbal ri mukutal wi ri Raquel, pa Selsa, pa ri rulew ri Benjamin. We achijab ri' cäquibij na chawe chi xeriktaj ri ati'tab tak bur ri quebatzucuj, chi ri a tat man coc ta chi il chque ri ati'tab tak bur xane' chiwe ix, je cubij wa': ‘¿Jas quinban na che ri nu c'ojol?’