Nabe Samuel 9:21 - Quiché Bible

²¹ Ri Saul xutzelej u bixic: “¡Ri in, in aj ramak' ri Benjamin, ri ch'utin na chquixo'l ri aj israelib! Ri e wachalaxic are ri sibalaj man nimak ta qui k'ij chquixo'l ri aj ramak' ri Benjamin. ¿Jas c'u che cäbij la ronojel wa' chwe?”

Nabe Samuel 9:21 ပူးပေါင်းရင်းမြစ်များ

Salmib 68:27

Chquiwäch e are' benak ri Benjamin, ri chak'axel, achilatal cumal e q'ui c'amal tak be re Juda, e rachil c'amal tak be re Zabulon xukuje' re Neptali.

Salmib 68:28

Nu Dios, c'utu' la ri cuinem la; ¡jiquiba' chi la u banic ri banom la chke!

Ri Osey 13:1

Aretak ri winak aj Eprain quech'awic, ri niq'uiaj amak' chic aj Israel nim quequil wi; xcäm c'ut ri Eprain aretak xux ajchak'mac u mac rech ri u k'ijilaxic ri Baal.

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Nabe Samuel 10:27

E c'o c'u ne ri itzel tak ak'aj ri je xquibij wa': “¿La are ta lo wa' ri cujesan pa qui k'ab ri c'ulel?” Man nim ta c'u xquil wi man xquiya' ta u k'ij; xuban c'u rib ri Saul chi man xretamaj taj.

Nabe Samuel 14:51

Ri u tat ri Saul are' ri Sis, ri u tat ri Abner are' ri Ner, ri qui tat ri Sis xukuje' ri Ner are' ri Abiel.

Nabe Samuel 15:17

Ri Samuel xubij che: “¿La ma ta aweta'm chi man nim ta a k'ij? At uxinak c'u ne c'amal qui be ri amak' aj israelib, at u tasom c'u ri Ajawaxel che cajawinel ri aj israelib.

Nabe Samuel 18:18

Xutzelej c'u u bixic ri David che: “Man c'o ta nu banic in, mawi c'o qui banic ri wachalaxic pa Israel, rech ri in quinux u ji' ri ajawinel.”

Nabe Samuel 18:23

Ri pataninel tak rech ri Saul xequibij ronojel wa' che ri David, xutzelej c'u u bixic ri David chque: “¿La are pa i c'u'x ix chi cux u ji' ri ajawinel mat c'ax che jun ri meba' xukuje' man c'o ta cac'am che, jacha' ri in?”

Nabe Samuel 9:22

Ri Samuel xuc'am c'u bic ri Saul xukuje' ri pataninel rech, xebucoj pa ri nimalaj ja, xuya' c'ut ri c'olbal chque ri sibalaj nim u k'ij chquixo'l ri e c'o pa ri nimalaj ja, craj ne e c'o juwinak lajuj (30).