Nabe Samuel 8:5 - Quiché Bible

⁵ che u bixic che: “Ri lal, lal jun nim winak chic, ri e c'ojol la man je ta cäquibano jacha' ri caban la; rumal c'u ri', cojo' la jun ajawinel rech cajawin pakawi' jacha' ri nak'atisabal chquixo'l conojel ri nimak tak tinimit.”

Nabe Samuel 8:5 ပူးပေါင်းရင်းမြစ်များ

Ajilanic 23:9

Kas paquiwi' we nimalaj tak abaj ri' quincuinic quinwilo, kas paquiwi' we u tza'm tak juyub ri' quinwil wi: are jun tinimit ri man u yujum ta rib, ri man cäjunamataj ta cuc' ri jule' tak tinimit chic.

Hechos 13:21

C'äte ri' xquitz'onoj jun cajawinel. Ri Dios xuya' ri Saul chque, ri u c'ojol ri Sis, ramak' ri Benjamin. Cawinak (40) junab xc'oji' che ajawinel paquiwi'.

K'atal tak Tzij 8:22

Xquibij c'u ri aj israelib che ri Jedeon: “At ya' ri xujato' pa qui k'ab ri aj madianib, ri cäkaj camic chi ri at xukuje' ri e awija'lil quixtakan pakawi'.”

Nabe Samuel 10:19

Are' c'u ri ix camic quiwetzelaj u wäch ri i Dios; ri ix resam pa conojel tak ri u q'ueyowal xukuje' pa tak ri rikoj tak c'ax, i xutum c'ut aretak i tz'onon jun iwajawinel ri cätakan piwi'. Rumal ri', chixeltac'al chuwäch ri Ajawaxel camic pa tak amak' pa tak u k'ab achalaxic.”

Nabe Samuel 12:13

C'o c'ut ri ajawinel chiwäch ri i rayim. Ri Ajawaxel u yo'm ri ajawinel ri xitz'onoj che.

Nabe Samuel 12:17

Camic ri' are k'ijol ri cäk'at ri trico, man c'o ta c'u jäb, ¿la pa kastzij? Are c'u ri in quinta' na tok'ob che ri Ajawaxel chi quebutak c'u na ulok cakulja xukuje' jäb, rech ri ix quiwetamaj xukuje' qui ch'ob c'ut, je jacha' ri caril ri Ajawaxel, ri ix sibalaj itzel ri i banom chi xitz'onoj jun ajawinel.”

Nabe Samuel 12:2

Are ajawinel wa' ri cäc'amow na i be. Ri in in ri'jobinak chic xukuje' nojinak chic ri sak pa nu jolom ri e nu c'ojol e c'o chixo'l. C'ä in ac'al aretak xinmajij u c'amic i be, nu c'amom c'u i be c'a pa tak ri k'ij camic,

Nabe Samuel 9:20

E are' tak c'u ri ati'tab tak bur ri e oc'owinak chi oxib k'ij e sachinak, matoc il chque e riktajinak chic. Ronojel c'ut ri sibalaj rayibal u wäch pa Israel cawechbej na at xukuje' ri e awachalaxic.”