Nabe Samuel 7:3 - Quiché Bible

³ Rumal c'u rech wa', ri Samuel xubij chque conojel ri aj israelib: “We ri ix quixtzelej ruc' ronojel ri iwanima' ruc' ri Ajawaxel, rajawaxic quebiwesaj bic tak ri qui diosib ri e jule' tak winak chic ri e c'o iwuc' xukuje' ri e qui wächbal tak ri Astarte, quijach c'u ri i c'aslemal pu k'ab ri Ajawaxel, xuwi c'u che ri Are' quixk'ijilan wi cuya' c'u na i chuk'ab ri' rech quixch'äcan paquiwi' ri aj pilisteyib.”

Nabe Samuel 7:3 ပူးပေါင်းရင်းမြစ်များ

Chapletajic 35:2

Ri Jacob xubij chque ri e c'o pa rachoch xukuje' conojel ri e teren chrij: “Chebiwesaj bic ri jule' tak diosib ri e iwuc'am, chixatinok, chijala' ri iwatz'iak.

Nabe Ajawinelab 11:33

Rumal rech chi in u xutum ri Salomon, u chaplem c'u u k'ijilaxic ri Astarte, ixok qui dios ri sidonib; ri Quemos, qui dios ri aj moabib; xukuje' ri Milcom qui dios ri aj amonib. Ri e u banoj man utz ta quebenwilo, man u tz'akatisam ta qui banic tak ri e nu pixab xukuje' tak ri e nu takanic jacha' ri xuban ri David, ri u tat,

Nabe Ajawinelab 8:48

we c'u quetzelej uc' la ruc' ronojel ri canima' xukuje' ruc' ronojel ri qui c'aslibal pa ri culew ri c'ulel jawije' ri e yo'm wi la, caquiban c'u ch'awem uc' la chusuq'uil we ulew ri' ri xya' la chque ri e qui mam, xukuje' che ri tinimit ri cha'om la, xukuje' che ri achoch la ri nu yacom che la,

Ucab Ajawinelab 17:39

xane' xuwi chwe in, ri Ajawaxel ri i Dios, quixinwesaj c'u na pa qui k'ab tak ri e i c'ulel.”

Ucab Ajawinelab 23:15

Are c'u ri porobal xukuje' ri k'ijilabal ri c'o pa Betel ri quek'ijilax wi diosib, ri xebuyac can ri Jeroboam, u c'ojol ri Nabat, ri xbanowic chi xemacun ri aj israelib, ri Josiy xebumuchu c'ä xebuc'äjij na, xut'ik c'u k'ak' chque xukuje' xut'ik c'u k'ak' che ri u wächbal ri Asera.

Nabe Tzijobelil 22:19

Are c'u ri camic, xa' jumul chiya' i tzij che u tzucuxic ri Ajawaxel ri i Dios. Je c'u ri' chiya' i tzij che ri u yaquic ri k'ijilabal ri cak'ijilax wi ri Dios, ri Ajawaxel, che u k'axexic ri caxa rech ri u c'ulwächinic ri Ajawaxel xukuje' tak ri tastalic tak chaconisan rech ri Dios chupam ri ja ri queyac che ri Ajawaxel.”

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ucab Tzijobelil 19:3

E c'o c'u ne niq'uiaj jastak chic ri cäto'w wi' la e yojim c'u la ri e qui wächbal tak ri Asera ri e c'o can pa ri ulew yo'm c'u tzij la che u tzucuxic ri Dios.”

Ucab Tzijobelil 20:33

Man e esam ta c'u ne ri k'ijilabal ri quek'ijilax wi ri diosib, ri winak c'amaja' qui jachom quib che u takexic ri qui Dios ri e qui mam.

Ucab Tzijobelil 30:19

Ay Ajawaxel, qui Dios ri e qui mam, pune' ba' man qui ch'ajch'ojirisam ta quib jas ri tastajic ri cutok'ij ri achoch la.”

E C'ambal tak Tzij 16:1

Ri e chomanic e rech ri winak; ri q'uisbal u tza'm tzij ruc' ri Ajawaxel c'o wi.

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Jeremiy 24:7

Quinya' quetamanic rech caquich'obo chi in ri' ri Ajawaxel, e are' c'ut ri nu tinimit in c'ut ri in qui Dios, rumal rech chi ruc' ronojel canima' quetzelej na wuc'.

Ri Jeremiy 36:3

Caraj ne coc pa qui jolom ri aj Juda conojel ri c'axc'ol ri quinchomaj u c'amic ulok paquiwi', caquiya' ta c'u canok ri itzel qui c'aslemal are c'u ri in quencuyu' ri quetzelal xukuje' tak ri e qui mac.”

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Ezequiel 14:6

Rumal ri', chabij chque ri aj israelib: ‘Are wa' ri cubij ri Ajawaxel Dios: chixtzelej wuc', chebiya' can tak ri e diosib ri e c'o iwuc' xukuje' chebiya' can conojel tak ri xojibalalaj tak jastak ri quebibano.’

Ri Ezequiel 18:31

Chebiya' can conojel ri etzelal ri e i banom che nu c'ulelaxic, chux xa' jun iwanima' xukuje' xa' jun uxlabal c'ac'. ¿Jas ta che catcämic, tinimit Israel,

Ri Osey 14:1

¡Chattzelejok, Israel, ruc' ri Ajawaxel ri a Dios, at ri xattzak u mac rech ri a mac!

Ri Matey 15:8

‘We winak ri' xak chi qui chi' cäquinimarisaj nu k'ij. Are c'u ri canima' naj c'o wi chwe.

Ri Matey 4:10

Xubij c'u ri Jesus che: “¡Jät, Satanas! Tz'ibatal c'ut: ‘Chak'ijilaj ri Ajawaxel a Dios, xak xuwi c'u ri are capatanij.’ ”

Ri Matey 6:24

“Man c'o ta jachin jun cäcuinic quebupatanij quieb ajawib, rumal rech chi cäretzelaj na u wäch ri jun, culok'ok'ej c'u na ri jun chic, o cäruc'aj rib ruc' ri jun, man nim ta c'u cäril wi ri jun chic. Man quixcuin taj quipatanij ri Dios xukuje' ri k'inomal.”

Ri Lucax 4:8

Ri Jesus xubij che: “Chatel chnuwäch, Satanas. Tz'ibatal c'ut: ‘Are cak'ijilaj na ri Ajawaxel a Dios. Xuwi capatanij ri are'.’ ”

Ri Xuan 4:24

Ri Dios uxlabal, ri quek'ijilan che rajawaxic quek'ijilan pa uxlabal xukuje' pa kastzij.”

U Camulixic ri Pixab 10:20

Nim chiwila' wi ri Ajawaxel ri i Dios, xuwi ri are' chik'ijilaj; chixbin jic chuwäch, aretak c'ut rajawaxic quiban na jun chi'nic ri kas cäban na, chibana' pa ri u bi'.

U Camulixic ri Pixab 13:4

Chiterenej ri Ajawaxel ri i Dios, xuwi ri are' nim chiwila' wi, chixoc che quinimaxic tak ri e u takomal, chinimaj ri cubij, chiya' c'u k'ijilanic che, chijunaj c'u iwib ruc'.

U Camulixic ri Pixab 4:29

we c'u quitzucuj ri Ajawaxel ri i Dios chila' ruc' ronojel iwanima' xukuje' ruc' ronojel i c'aslibal quirik na.

U Camulixic ri Pixab 6:13

Chik'ijilaj ri Ajawaxel ri i Dios, xuwi ri are' chipatanij. Aretak c'u rajawaxic quiban ri chi'nic ri kas cäban na, chibij xuwi pa ri u bi' ri Ajawaxel.

Ri Josue 13:31

pa niq'uiaj che ri Galaad, xukuje' tak ri u tinimit ri Astarot xukuje' ri Edrey. Ronojel wa' xuc'am che ri pa niq'uiaj chque ri e rija'lil ri Maquir u c'ojol ri Manases, jas ri cajilabal ri u k'ab rachalaxic.

Ri Josue 24:14

“Rumal rech wa', nim chiwila' wi ri Ajawaxel chipatanij ruc' jiquil man ruc' ta cawachil. Chebitzaka' can tak ri diosib ri xequik'ijilaj tak ri nabe tak i man chuchi' tak ri nima' Euprats xukuje' pa Ejipt, chipatanij ri Ajawaxel.

Ri Josue 24:23

Xubij ri Josue chque: “Chebiwesaj ba' conojel ri diosib ri e c'o tak chixo'l, chixtzelej ba' ruc' ronojel iwanima' ruc' ri Ajawaxel ri xukuje' u Dios ri Israel.”

K'atal tak Tzij 10:16

Ri aj israelib xequesaj bic tak ri diosib ri quequik'ijilaj, xquichaplej chi u k'ijilaxic ri Ajawaxel, ri Ajawaxel man xucoch' ta chi rilic chi ri aj israelib cäquitakej u rikic c'ax.

K'atal tak Tzij 10:6

Are c'u ri aj israelib xquiban chi jumul ri etzelal chuwäch ri Ajawaxel, xequik'ijilaj ri jalajoj tak u wächbal ri Baal, ri Astarte, xukuje' ri e qui dios ri aj Siriy, ri e aj Sidon, ri e aj Moab, ri e aj Amon xukuje' ri quech ri e aj pilisteyib. Xquixutuj can ri Ajawaxel, xquitanaba' u k'ijilaxic.

K'atal tak Tzij 2:11

E are tak c'ut ri e qui banoj ri aj israelib e itzel xeril ri Ajawaxel, xquichaplej c'ut qui k'ijilaxic ri e jalan tak u wächbal ri Baal.

K'atal tak Tzij 2:13

Xquiya' can ri Ajawaxel che u k'ijilaxic ri Baal xukuje' ri jalajoj tak u wächbal ri Astarte,

Nabe Samuel 31:10

Xequiya' c'ut ri e u ch'ojibal ri Saul chupam ri rachoch ri Astarte xquitzayiba' c'ut ri u cuerp chrij ri nimalaj u tapia ri Bet-san.