Nabe Samuel 6:5 - Quiché Bible

⁵ Chebibana c'ut ri e qui wächbal ri sipoj xukuje' ri qui wächbal tak ri ch'o ri cätajin cäquiban c'ax che ri ulew, chi ya' c'u u k'ij ri u Dios ri Israel; craj ne cutanaba' u c'äjisaxic i wäch, ri ix, xukuje' tak ri e i diosib xukuje' tak ri e iwulew.

Nabe Samuel 6:5 ပူးပေါင်းရင်းမြစ်များ

Nabe Tzijobelil 16:28

Chixyan che ri Ajawaxel, jujun tak ja winak quech tak ri tinimit, chiya' che ri Ajawaxel ri cuinem xukuje' ri juluwem;

Nabe Tzijobelil 16:29

chiya' ri nim ilic che ri Ajawaxel ri takal che, cuc' tak sipanic chixopan ruc'; chik'ijilaj ri Ajawaxel chupam ri k'ijilabal ri je'lic.

Salmib 18:44

Aretak cäquita' ri nu ch'abal queniman chwe; winak ri man e nu winakil taj cäquiya' nu k'ij,

Salmib 32:4

chi pa k'ij chi chak'ab ri k'ab la xalob panuwi'. Jacha' ri cotz'i'j ri bach'uyirinak rumal ri u k'ak'al ri sak'ij, are jeri' nu tukaric xinnao'.

Salmib 39:10

Tanaba' la nu ch'ayic; in k'itajinak chi c'u pa ri ch'ayic rumal ri k'ab la.

Salmib 66:3

chibij che ri Dios: “Ri jastak ri e banoj la e mayibal. Rumal ri nimalaj cuinem la ri e c'ulel la quixe'n quib quetzak na chwäch la;

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Elem 8:17

Je c'u xquibano. Ri Aaron xuyuk ri u k'ab xuch'ay c'u ri u puc'uq'uil ri ulew ri c'o cho ri ulew, ronojel c'u ri puc'uc' ulew re ri Ejipt xebux pa alaj tak u's ri quequixet', tak ri winak xukuje' tak ri awaj.

Elem 8:24

Je c'u xuban ri Ajawaxel, xpe c'u jumulaj tzätzalaj amalo, ri xquibalij quib chupam ri nimalaj rachoch ri ajawinel, ri cachoch ri e rach k'atal tak tzij, xukuje' puwi' ronojel ri ulew re Ejipt. Ri amalo xquetzelaj ronojel ri ulew re Ejipt.

Elem 8:5

Ri Ajawaxel xubij che ri Moises: “Chabij che ri Aaron chi chuc'ama' ri u ch'ämiy chuyaca' paquiwi' tak ri nima', paquiwi' ri qui q'uiyibal tak ja', xukuje' paquiwi' tak ri cho, rech chila' quebel wi ulok xtutz' ri quenojisan ronojel ri ulew Ejipt.”

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Isaiy 42:12

Chquiya' juluwem che ri Ajawaxel, chiya' u bixic ri u banom pa tak ri ulew aj plo.

Ri Jeremiy 13:16

Chiya' u k'ij ri Ajawaxel, c'ä majok chuc'ama' ulok are' ri k'ekumalil quipak'ila' c'u iwib ix cuc' xibibalalaj tak juyub; c'ämajok chuq'uexa' are' pa räxcanacojil pa tzatzalaj k'ekumalil, ri chäj ri i weyem.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Joel 2:25

“In quinya' na rajil qui q'uexelal ri junab chiwe ri xebitzako qui mac quech ri c'axalaj tak sac', we juk'at banal c'ax ri' ri xebentak ulok piwi'.

Ri Jonas 3:9

craj ne cäcuy ri ka mac rumal ri Dios coc'ow c'u ri royowal, xa' je ri' man cujecäm taj.”

Ri Malaquiy 2:2

Ri ix quixniman na chwe rajawaxic c'ut chi quixoc na il chi nim quiniwil wi na, we man quibano, in quixinc'okoj na. U mac c'u rech chi man ix oquinak ta il chi man nim ta quiniwil wi in quinban na chiwe chi quixux c'okobal xukuje' ne ri utzil ri quiriko chi ix cojol tabal tok'ob.” Are' cäbin ri Ajawaxel ri c'o ronojel u cuinem.

Ajilanic 33:4

ri aj ejiptib cätajin quequimukla' tak conojel ri e nabeal tak qui c'ojol, are c'u xbanow ri Ajawaxel chi xecämic, rumal c'u wa' u k'atom tzij paquiwi' tak ri e qui diosib.

Ri Xuan 9:24

C'äte ri' xquisiq'uij chic chucamul ri achi ri moy canok, xquibij che: “Chanimarisaj ba' u k'ij ri Dios. Uj keta'm chi we achi ri' ajmac.”

Ri Josue 7:19

Xubij c'ut ri Josue che ri Acan: “Nu c'ojol, chaya' u k'ij xukuje' chak'ijilaj ri Ajawaxel ri xukuje' u Dios ri Israel, chabij ba' chwe jas ri a banom. ¡Mach'uk chnuwäch!”

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Apocalipsis 14:7

Xubij ruc' chuk'ab: “Chixe'j iwib chuwäch ri Dios. Chinimarisaj u k'ij, rumal rech chi xopan ri jok'otaj aretak cuk'at tzij. Chik'ijilaj ba ri xbanow ri caj, ri ulew, ri plo xukuje' ri e u q'uiyibal tak ja'.”

Apocalipsis 16:9

Xec'at c'u ri winak ruc' nimalaj k'ak'. Man xquiq'uex ta c'u qui c'u'x, man xquinimarisaj ta u k'ij ri Dios. Xane' xiquiyok' ri u bi' ri Dios, ri c'o u takanic paquiwi' ri c'axc'olil ri'.

Nabe Samuel 5:11

Rumal c'u rech chi conojel ri winak pa ri tinimit xenoj che jun cämisanelalaj xe'n ib u mac ri c'axalaj c'äjisabal wächaj ri u takom ulok ri Dios paquiwi', xequitak qui siq'uixic ri e qui nimakil ri aj pilisteyib xquibij c'u chque: “Chiwesaj bic ri u caxa ri qui Dios ri aj israelib. Jitzelej can pa ri u c'olbal, rech man cujucämisaj ta konojel.”

Nabe Samuel 5:9

Aretak c'o chi chila', ri Ajawaxel xulic' ri xe'n ib pa ri tinimit, xebusoc ri winak cuc' tak sipoj ri xeq'uiy ulok chquij, chi nimak chi ch'utik.

Nabe Samuel 6:8

Chic'ama' c'ut ri u caxa ri Ajawaxel chiya' chupam ri caret, chiya' c'u bic jun coxon pa uxcut ri quebiya' wi bic ri jastak re k'an puak ri quiya' bic che tojbal rech ri i mac ri xibano. Chitzokopij bic ri caret rech cäbe u tuquiel.