Nabe Samuel 6:20 - Quiché Bible

²⁰ Xquibij c'u ri aj Bet-sems: “¿Jachin ta lo cäcuinic cutac'aba' rib chuwäch ri Ajawaxel, chuwäch we tastalicalaj Dios ri' ri man cuban ta etzelal? ¿Jachin lo che cubana' wi c'ax aretak chel chakaxo'l?”

Nabe Samuel 6:20 ပူးပေါင်းရင်းမြစ်များ

Ucab Samuel 6:7

Xpe c'u royowal ri Ajawaxel che ri Uza rumal ri u nimic rib kas chila' c'ut xresaj wi ri u c'aslemal, ri Uza xcämic xtzak pa u xc'ut ri u caxa' ri Dios.

Ucab Samuel 6:9

Kas c'u pa ri k'ij ri' ri David sibalaj xuxe'j rib chuwäch ri Ajawaxel, co c'ut xurak u chi', xubij: “¡Mawi minchomaj u c'amic bic ri u caxa ri Ajawaxel!”

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Aj Levitib 11:44

“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.

Aj Levitib 11:45

In ri' ri Ajawaxel ri xixinwesaj ulok pa Ejipt rech quinux i Dios: rumal ri' rajawaxic quixux tastalic, ri in man quinban ta etzelal, in c'u tastalic in.”

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Lucax 5:8

Ri Simon Lu', aretak xrilo, xutzak rib cho ri ulew chuwäch ri Jesus, xubij: “Tasa' ib la chwe, Wajaw, in c'u ajmac.”

Ri Lucax 8:37

Are c'u ri q'ui winak ri e jekel chrij ri culew ri aj Jeras, xquibochi'j ri Jesus rech quel bic chquixo'l, rumal rech chi sibalaj xquixe'j quib. Xoc c'u ri Jesus pa jun jucub, xtzelejic.

Apocalipsis 6:17

xopan c'ut ri nimalaj k'ij cäpe ri c'äjisabal wächaj. ¿Jachin ta lo ri cäcuinic cätaq'ui' ta chuwäch?”

Nabe Samuel 5:7

Aretak c'u xquil ri aj Asdod ri cätajin cäc'ulmatajic, xquibij: “Ri u caxa ri qui Dios ri aj israelib man cuya' taj cäcanaj kuc', rumal rech chi we Dios ri' cätajin cuya' c'axalaj c'äjisabal wächaj chke, ri uj xukuje' ri Dagon, ri ka dios.”