Nabe Samuel 6:17 - Quiché Bible

¹⁷ Ri job sipoj re k'an puak ri xequiya' ri aj pilisteyib che tojbal re ri qui mac ri xquiban chuwäch ri Ajawaxel, che tojbal ri qui mac ri aj Asdod, ri Gaz, ri Ascalon, ri Gat xukuje' ri Ecron;

Nabe Samuel 6:17 ပူးပေါင်းရင်းမြစ်များ

Ucab Samuel 1:20

Miya' u bixic pa Gat mawi mitzijoj pa tak ri be pa Ascalon, rech man quequicot taj ri ixokib aj pilisteyib, rech man quech'opintaj we ixokib ri' ri e k'ijilal diosib.

Ucab Samuel 21:22

We quiejeb tac'atak tak achijab ri' e rija'lil ri Rep, ri quel pa Gat, xekaj c'u pa u k'ab ri David xukuje' pa qui k'ab ri e qui nimakil ri rajch'ojab.

Ucab Ajawinelab 1:2

Are' c'u ri Ocoziy, xtzak ulok chicaj chupam jun wenta'n ri c'o che ri u cawikib ri rachoch ri c'o pa Samar sibalaj c'u xsoctajic. Xebutak c'u bic tako'n rech quequich'obo' ruc' ri Baal-zebub, dios re Ecron, we cutzirok,

Ucab Tzijobelil 26:6

Ri Uziy xuchaplej u banic c'ax chque ri aj pilisteyib xebut'akij tak ri tapia ri e c'o chrij ri Gat, ri Jabniy xukuje' ri Asdod, xebuyac c'u tak ri tinimit pa ri rulewal ri Asdod, chquixo'l ri aj pilisteyib.

Ri Jeremiy 25:20

xukuje' ri winak ri jalan tak quija'lil ri e c'o chila'; chque conojel tak ri ajawinelab re ri ulew aj Uz xukuje' pa ri culewal ri aj pilisteyib: Ascalon, Gaz, Ecron xukuje' ri canajinak che ri Asdod;

Aj Levitib 5:7

We c'u man cäcuin che u lok'ic jun alaj ama' chij, rajawaxic cuc'am na ulok chuwäch ri Ajawaxel quieb palomax o quieb tucumux u mac rech ri macaj ri bantajinak, jun chque che tabal tok'ob re sachbal mac ri jun chic che tabal tok'ob ri cächajirisaxic.

Ri Amos 1:6

Jewa' cubij ri Ajawaxel: “Ri e aj Gaz e q'ui tak ri etzelal ri e qui banom ri man quebenya' ta canok chi ma ta chinc'äjisaj qui wäch; xquichap c'u bic ronojel jun tinimit xquic'ayij c'u pa Edom jacha' lok'om pataninel.

Ri Amos 6:2

Jix pa Calne, chiwila' c'ut; chixel chila' chixk'ax pa Hamat ri nim, chixkaj c'u bic pa Gat ri quech ri aj pilisteyib. ¿La xa' puch sibalaj ta ix utz na ri ix chquiwäch tak we winak re we ulew ri'?

U Camulixic ri Pixab 28:27

Ri Ajawaxel quebuq'uiyisaj na nimak tak ch'a'c chawij jacha' ri xpe chquij ri aj ejiptib, xukuje' sipoj, salc'am xukuje' quiäk chi'm, man c'u quebarik ta cunabal che qui cunaxic tak we yabil ri'.

K'atal tak Tzij 1:18

Man xecuin ta c'u che u ch'äquic ri Gaz, ri Ascalon xukuje' ri Ecron, mawi tak ri culew ri e c'o chquinakaj.

K'atal tak Tzij 14:19

Xya' c'u u chuk'ab ri Sanson rumal ri ruxlabal ri Ajawaxel, xbe pa Ascalon, xebucämisaj c'u juwinak lajuj achijab aj chila', ri atz'iak ri xresaj chquij, are xutojbej que ri achijab ri xech'obow ri ch'obonic. Oyowarinak, xtzelej bic cho rachoch ri u tat,

K'atal tak Tzij 16:1

C'o jun k'ij xbe ri Sanson pa ri tinimit Gaz. Chila' xril wi jun ixok quech nim ch'utin, xoc pa ri rachoch che roc'owisaxic ri chak'ab ruc'.

K'atal tak Tzij 16:21

Ri aj pilisteyib xepetic xquichapo, xequic'otij ri e u bak'wäch, xquic'am bic pa Gaz, chila' c'u xquiyut wi cuc' tikom ch'ich' re k'an ch'ich', xquicoj che quienic pa ri che'.

Nabe Samuel 5:1

Aretak xkaj ri u caxa ri Dios pa qui k'ab ri aj pilisteyib pa Eben-ezer, xquic'am bic xequiya' pa Asdod;

Nabe Samuel 5:10

Xepe c'u ri aj pilisteyib xquik'axaj ri u caxa ri Dios pa Ecron; aretak c'u xopan ri caxa chila', ri aj Ecron xquirak qui chi': “C'amom ulok ri u caxa ri qui Dios ri aj israelib kuc' rech cujucämisaj konojel.”

Nabe Samuel 5:8

Rumal c'u ri' xquitak u bixic chque ri e qui nimal ri aj pilisteyib chi chebopan cuc', xequic'ot c'ut qui chi': “¿Jas cäquiban che ri u caxa ri qui Dios ri aj israelib?” “Chic'ama' bic pa ri tinimit Gat,” xecha' we winak ri'. Ri aj pilisteyib xquic'am bic xequiya' can chila'.

Nabe Samuel 6:4

“¿Jas ri cakaya' bic che, che u tojic ri ka mac ri ka banom chuwäch?” xecha' ri aj pilisteyib. “Job u wächbal sipoj re k'an puak,” xecha' ri e qui cojol tabal tok'ob, “jujun che qui q'uexwäch jujun qui nimakil ri aj pilisteyib; xukuje' job ch'o re k'an puak, rumal chi ri ix xukuje' ri e c'amal tak i be e qui kajbem xukuje' tak we yabil ri'.