Nabe Samuel 5:11 - Quiché Bible

¹¹ Rumal c'u rech chi conojel ri winak pa ri tinimit xenoj che jun cämisanelalaj xe'n ib u mac ri c'axalaj c'äjisabal wächaj ri u takom ulok ri Dios paquiwi', xequitak qui siq'uixic ri e qui nimakil ri aj pilisteyib xquibij c'u chque: “Chiwesaj bic ri u caxa ri qui Dios ri aj israelib. Jitzelej can pa ri u c'olbal, rech man cujucämisaj ta konojel.”

Nabe Samuel 5:11 ပူးပေါင်းရင်းမြစ်များ

Elem 10:7

Ri e rach k'atal tak tzij ri ajawinel je xquibij wa': “¿C'ä jampa' lo cutanaba' u banic c'ax we achi ri' chke? Chetzokopij la bic we winak ri' rech quebe che u k'ijilaxic ri qui Dios, ri Ajawaxel. ¿La c'ä maja' puch quetamaj la chi sachinak chi u wäch ri Ejipt?”

Nabe Samuel 5:10

Xepe c'u ri aj pilisteyib xquik'axaj ri u caxa ri Dios pa Ecron; aretak c'u xopan ri caxa chila', ri aj Ecron xquirak qui chi': “C'amom ulok ri u caxa ri qui Dios ri aj israelib kuc' rech cujucämisaj konojel.”

Nabe Samuel 5:6

Ri Ajawaxel sibalaj c'u xuc'äjisaj qui wäch ri aj Asdod xebunojisaj c'u che xe'n ib xukuje' conojel ri e qui winakil, xebuc'am ulok sipoj paquiwi'.

Nabe Samuel 6:5

Chebibana c'ut ri e qui wächbal ri sipoj xukuje' ri qui wächbal tak ri ch'o ri cätajin cäquiban c'ax che ri ulew, chi ya' c'u u k'ij ri u Dios ri Israel; craj ne cutanaba' u c'äjisaxic i wäch, ri ix, xukuje' tak ri e i diosib xukuje' tak ri e iwulew.