Nabe Samuel 5:10 - Quiché Bible

¹⁰ Xepe c'u ri aj pilisteyib xquik'axaj ri u caxa ri Dios pa Ecron; aretak c'u xopan ri caxa chila', ri aj Ecron xquirak qui chi': “C'amom ulok ri u caxa ri qui Dios ri aj israelib kuc' rech cujucämisaj konojel.”

Nabe Samuel 5:10 ပူးပေါင်းရင်းမြစ်များ

Ucab Samuel 7:9

at c'u wachilam apawije' ta ne ri at benak wi, nu q'uisom tzij paquiwi' conojel ri c'ulel ri xebel ulok che a cämisaxic sibalaj c'u nu nimarisam a k'ij, jacha' ri u nimarisaxic qui k'ij ri achijab ri nimak na qui k'ij ri e c'o cho ri uwächulew.

Ucab Ajawinelab 1:2

Are' c'u ri Ocoziy, xtzak ulok chicaj chupam jun wenta'n ri c'o che ri u cawikib ri rachoch ri c'o pa Samar sibalaj c'u xsoctajic. Xebutak c'u bic tako'n rech quequich'obo' ruc' ri Baal-zebub, dios re Ecron, we cutzirok,

Ri Amos 1:8

Quinsachisaj na u wäch ri cajawin pa Asdod xukuje' ri cajawin pa Ascalon. ¡Ruc' ronojel ri nu cuinem quinq'uiak na wib chrij ri Ecron, cacäm c'u ne na ri q'uisbal aj pilistey!” Cächa' ri Ajawaxel.

Ri Amos 6:2

Jix pa Calne, chiwila' c'ut; chixel chila' chixk'ax pa Hamat ri nim, chixkaj c'u bic pa Gat ri quech ri aj pilisteyib. ¿La xa' puch sibalaj ta ix utz na ri ix chquiwäch tak we winak re we ulew ri'?

Ri Josue 13:3

ri cäbe chuchi' ri nima' Sihor, pa ri elebal k'ij che ri Ejipt, quetakal c'ä pa ri u c'ulbatil ri Ecron, pa ri iquiak'ab, culew c'ut ri aj cananeyib wa'; e c'o c'u job quinimal tak ri pilisteyib chila', ri e are' wa' ri Gaz, ri Asdod, ri Ascalon, ri Gat xukuje' ri Ecron. C'o xukuje' ri culew ri abeyib,

Ri Josue 15:11

xukuje' pa tak ri pakapak ri c'o pa ri riquiak'ab ri elebal k'ij che ri Ecron, cabe chi c'u chusuq'uil ri Sicron, coc'ow pa ri juyub ri c'o pa Baala, quel c'u bic cabe pa Jabneel rech queq'uis chuchi' ri Plo Mediteran.

Ri Josue 15:45

Ri tinimit Ecron e rachil tak ri e u tinimit xukuje' e u k'ab tak u tinimit,

K'atal tak Tzij 1:18

Man xecuin ta c'u che u ch'äquic ri Gaz, ri Ascalon xukuje' ri Ecron, mawi tak ri culew ri e c'o chquinakaj.

Nabe Samuel 17:52

Are c'u ri achijab aj Israel xukuje' ri e aj Juda xequiya' rakoj tak chi'aj re ch'o'j, xebe che cokataxic c'ä xebopan na chuchi' ri tinimit Gat xukuje' c'a chuchi' ri tinimit Ecron. Pa ronojel ri be ri quel pa Saaraim copan c'ä pa Gat xukuje' Ecron xepopoxin can tak ri ajch'ojab aj pilisteyib.

Nabe Samuel 5:11

Rumal c'u rech chi conojel ri winak pa ri tinimit xenoj che jun cämisanelalaj xe'n ib u mac ri c'axalaj c'äjisabal wächaj ri u takom ulok ri Dios paquiwi', xequitak qui siq'uixic ri e qui nimakil ri aj pilisteyib xquibij c'u chque: “Chiwesaj bic ri u caxa ri qui Dios ri aj israelib. Jitzelej can pa ri u c'olbal, rech man cujucämisaj ta konojel.”

Nabe Samuel 5:9

Aretak c'o chi chila', ri Ajawaxel xulic' ri xe'n ib pa ri tinimit, xebusoc ri winak cuc' tak sipoj ri xeq'uiy ulok chquij, chi nimak chi ch'utik.

Nabe Samuel 6:1

Ri u caxa ri Ajawaxel xbeytaj wukub ic' pa tak ri qui tinimit ri aj pilisteyib.