Nabe Samuel 4:3 - Quiché Bible

³ Aretak xetzelej ri ajch'ojab aj israelib pa ri kajebal, ri e qui nimak tak tatayib ri aj israelib xquibij: “¿Jasche xuya' c'olbal ri Ajawaxel chi xujquich'äc ri aj pilisteyib camic? ¡Jekac'ama' ulok pa Sil ri caxa ri c'o wi ri u c'ulwächinic ri Ajawaxel, rech cäbin chkaxo'l cujucol c'ut pa qui k'ab ri ka c'ulel!”

Nabe Samuel 4:3 ပူးပေါင်းရင်းမြစ်များ

Ucab Samuel 15:25

Xubij c'ut ri ajawinel che ri Sadoc: “Chac'ama' bic ri u caxa ri Dios chatzelej pa ri tinimit, we c'u catok'obisax nu wäch rumal ri Ajawaxel, cuban na ri' chi quintzelej ulok quinwil c'u na u wäch ri caxa jawije' ri cäriktaj wi.

Nabe Tzijobelil 17:1

Aretak ri David jekel chic chupam ri rachoch, xubij che ri Natan, ri k'axal tzij: “Ampe', ri in in c'o chupam jun ja re chacalte', are c'u ri u caxa ri Ajawaxel xa' chuxe' jun lic'om rachoch c'o wi.”

Salmib 74:1

Nu Dios, ¿jasche xujwonoba' la canok? ¿Jasche xnicow ri oyowal la paquiwi' ri chij la re ri yuk'bal la?

Salmib 74:11

¿Jasche cac'u' ri k'ab la ri c'o nimalaj u cuinem? ¿Jasche xak k'alum ri k'ab la?

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Isaiy 58:3

cäquibij c'ut: ‘¿Jas u patan man cujwataj we ri Dios man cäril taj? ¿Jas u patan cäkacämisaj kib, we ri Dios man cäril taj?’ Ri k'ij ri man cäban ta wa'im quicoj ix che u banic i ch'äcoj xukuje' che queläk'axic ri e iwajchaquib;

Ri Isaiy 59:1

Ri u cuinem ri Ajawaxel man tzajinak taj rech ma ta cäcuin chic cäcolonic, mawi sibalaj ta t'oyirinak rech ma ta cäcuin chic cätatabenic.

Ri Isaiy 59:2

Are c'u ri etzelal ri e i banom u walijisam jun k'atibal chixo'l ruc' ri Dios ri i mac u banom chi u ch'ukum ri u palaj chiwäch, man craj ta c'ut quixutatabej.

Ri Jeremiy 3:16

Aretak c'u ri ix ix q'uiyirinak chic chupam ri ulew, e q'ui chi c'ut ri e iwalc'ual e c'olic, man c'o ta chi c'u jun c'o ta chi jas cubij chrij ri caxa rech ri u c'ulwächinic ri Ajawaxel; man c'o ta chi c'u jun cachoman ta chi che mawi canataj ta chi che; man cajwataj ta chi c'ut mawi cäban ta chi jun c'ac'. In, ri Ajawaxel, quinya' ri nu tzij.

Ri Jeremiy 7:4

Mijiquiba' i c'u'x chquij tak ri quixsubuwic je caquibij wa': ¡Waral c'o wi ri rachoch ri Ajawaxel, waral c'o wi ri rachoch ri Ajawaxel!

Ajilanic 10:33

Je c'u ri' xebel bic chupam ri u juyub ri Ajawaxel oxib k'ij c'ut xebinic. Ri u caxa ri Ajawaxel re ri c'ulwächinic are ri benak nabe chquiwäch, cätajin cutzucuj jun c'olbal chque ri caban wi uxlanem.

Ajilanic 10:35

Aretak cuchaplej binem ri caxa, ri Moises je cubij wa: “¡Walij la Ajawaxel! ¡Chquijabuj ta quib ri caquiban qui c'ulel che la! ¡Aretak chäca'yex la cumal chebanimaj u bic tak ri itzel quil la cumal!”

Ajilanic 31:6

Ri Moises xebutak u bic che u banic ch'o'j xcachilaj bic ri Pinees ri e ruc'am bic jastak ri e tastalic xukuje' tak ri trompet che u ya'ic ri takanic che u banic ri ch'o'j. (Ri u tat ri Pinees are' ri Eleazar cojol tabal tok'ob.)

U Camulixic ri Pixab 29:24

Conojel c'u ri winak cho ri uwächulew quec'otow na chi'aj: ‘¿Jasche ri Ajawaxel je xuban wa' che we ulew ri'? ¿Jasche sibalaj xnicow ri royowal?’

U Camulixic ri Pixab 31:26

“Chic'ama' we wuj ri' re ri pixab, chiya' pa u xcut ri caxa re ri u c'ulwächinic ri Ajawaxel, ri i Dios, rech cäc'oji' chila' jacha' jun k'alajisanel chiwij.

2 Timoteo 3:5

Je ta ne ri c'o ri nimanic che ri Dios cuc', man cäquik'alajisaj ta c'u ri u chuk'ab: chatasa' awib mat be cuc'.

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.

Ri Josue 4:7

Ix quibij na chque: ‘Aretak ri caxa ri c'o wi ri u c'ulwächinic ri Ajawaxel xoc'ow chupam ri Jordan, ri u ja'il ri nima' xuk'at rib chuwäch ri caxa. We abaj tak ri' quebajwatajic rech amak'el canataj chque ri aj israelib ri xc'ulmataj waral.’ ”

Ri Josue 6:6

Ri Josue xebusiq'uij ri e cojol tabal tok'ob xubij c'u chque: “Chic'ama' bic ri caxa ri c'o wi ri u c'ulwächinic ri Ajawaxel, wukub c'ut chiwe chenabej chuwäch ri caxa, cacuc'aj bic trompet quech cuc'a' chij.”

Ri Josue 7:7

Xcha' c'u ri Josue: “¡Ay, Ajawaxel, Ajawaxel! ¿Jasche xban la' chi we tinimit ri' xroc'owisaj ri nima' Jordan? ¿La xa pa lo che ka jachic pa qui k'ab ri amoreyib, rech casachisax ka wäch cumal? ¡C'o ta banom wi xujcanaj ta can ch'käp che ri Jordan!

Ri Josue 7:8

¡Ay, Ajawaxel, Ajawaxel! ¿Jas ta ri cuya' quinbij ta chic camic chi ri Israel animajinak chquiwäch tak ri e qui c'ulel?

1 Pedro 3:21

Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.

Ri Juds 1:5

Quinwaj quinnataj chiwe, pune' iweta'm chi wa' ronojel, chi ri Ajawaxel aretak e u colom chi ri winak re ri u tinimit pa qui k'ab ri aj Ejipt, c'äte ri' xusach qui wäch ri man xecojon taj.

Nabe Samuel 1:24

Aretak c'u estajinak chic puwi' ri tu', c'ä ch'utin c'ut xuc'am bic ruc' che u jachic pa ri rachoch Dios ri c'o pa Sil. Xukuje' xebuc'am bic oxib alaj tak ama'ib wacax, cawinak jun (41) libra trico xukuje' jun tz'um u wa'l uva.

Nabe Samuel 14:18

C'o c'ut ri u caxa ri Dios chquixo'l ri aj israelib pa ri k'ij ri', ri Saul xubij che ri Ahiy: “Chac'ama' ulok ri caxa ri rech ri Dios waral.”

Nabe Samuel 4:2

xquicholajij c'u quib che u banic ri ch'o'j cuc' ri aj israelib, aretak c'u xchapletaj ri ch'o'j are c'u xecuin ri pilisteyib che qui ch'äquic ri aj israelib xequicämisaj quiejeb mil (4,000) aj israelib pa ri ch'o'j.