Nabe Samuel 4:17 - Quiché Bible

¹⁷ “Ri aj israelib xebanimaj chquiwäch ri aj pilisteyib,” xcha' ri ya'l takquil. “Xecämisax q'uialaj tinimit winak, xecämisax c'u xukuje' ri quieb c'ojol la, ri Opni xukuje' ri Pinees, xc'am c'u bic ri u caxa ri Dios cumal ri pilisteyib.”

Nabe Samuel 4:17 ပူးပေါင်းရင်းမြစ်များ

Salmib 78:61

Xuya' be chque ri c'ulel chi xqueläk'aj bic ri retal ri u juluwem xukuje' ri re ri u cuinem.

Salmib 78:64

Ri e cojol ri tabal tok'ob xecäm pa u chi' ch'ich' re ch'o'j, man xok'ex ta qui wäch cumal ri e qui malca'nib.

Nabe Samuel 2:34

Cajwataj c'u wa' che c'utbal chawe ri caquic'ulmaj na ri quieb a c'ojol, ri Opni xukuje' ri Pinees: xa pa jun k'ij qui cabichal quecäm na.

Nabe Samuel 3:11

Ri Ajawaxel xubij che: “Quenbana' jun jasach pa Israel, quek'oxow c'u na ri u xiquin ronojel apachin ta ne ri cätatabenic.

Nabe Samuel 3:12

Ri k'ijol ri', kas copan na, quintz'akatisaj na che ri Eli ronojel ri nu bim che chi cäquic'ulmaj na ri rachalaxic.

Nabe Samuel 4:16

Xubij c'u che: “C'äte wulic, nu petic pa ri ch'o'j. C'ä te wanimajic ulok pa ri ch'o'j.” “¿Jas xc'ulmatajic nu c'ojol?” xcha' ri Eli che.

Nabe Samuel 4:18

Aretak ri ya'l takquil xunataj ri u caxa ri Dios, xpac'apob bic ri Eli xekaj pa uxcut ri uchi'ja, xel puwi' ri tem, rumal c'u rech chi nim winak chic al chi c'ut ri u cuerp, xuk'ajisaj ri rij u wi', xcäm c'ut. Cawinak (40) junab c'olinak che c'amal u be ri Israel.