Nabe Samuel 30:8 - Quiché Bible

⁸ ri David xuta' u no'j che ri Ajawaxel. Xuban we c'otoj chi'aj ri' che: “¿La Quinbe che qui ternexic we juk'at eläk'omab ri'? ¿La quincuin lo che qui rikic?” Ri Ajawaxel xutzelej u bixic che: “Jät chquij, quebarika' na xukuje' quebatokij na ri winak ri e qui c'amom bic.”

Nabe Samuel 30:8 ပူးပေါင်းရင်းမြစ်များ

Chapletajic 14:16

ronojel c'u ri qui c'amom bic xmaj can chque. Jewa' xuban ri Abram che resaxic can ri Lot, xukuje' ri jastak rech. Xukuje' xeresaj can ri ixokib cachil ri niq'uiaj winak chic.

Ucab Samuel 5:19

Rumal ri', ri David xuta' u no'j che ri Ajawaxel, xubij c'u che: “¿La quincuin che qui ch'äquic ri e aj pilisteyib we quinbe chquij? ¿La cäya' la chwe chi quinch'äcan paquiwi'?” Xutzelej u bixic ri Ajawaxel che, xubij: “Je', chatch'ojin cuc', quinya' c'u na ri ch'äcanic chawe paquiwi'.”

Ucab Samuel 5:23

xuta' chi c'u u no'j ri David che ri Ajawaxel, ri Ajawaxel xutzelej u bixic che: “Matpaki' bic chquiwäch che u banic ch'o'j cuc', xane' chasutij quij, chquij chatel wi ulok che u banic ch'o'j cuc', aretak catopanic jawije' e c'o wi ri e c'oc'alaj tak che'.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Elem 15:9

Ri c'ulel xubij: ‘Quebenwokataj c'ä quebenrika' na, quinjach ri quintokij chque c'ä quinquicot na. Quinjusij ri ch'ich' re ch'o'j, are c'u ri nu k'ab cäsachow qui wäch.’

Ajilanic 27:21

Ri Josue cutac'aba' c'u na rib chuwäch ri Eleazar ri cojol tabal tok'ob, are c'u ri Eleazar cätz'onon na chwe pa ri u bi' rumal ri Urim. Ri Josue are' ri cäyo'w na ri takanic chque ri aj israelib, che ronojel ri caquiban na.”

K'atal tak Tzij 20:18

Ri aj israelib xebe pa Betel, chila' xquita' wi che ri Dios che retamaxic jachique tinimit rajawaxic cäbe nabe che ch'o'j cuc' ri aj Benjamin. Ri Ajawaxel xubij chque chi ri Juda rajawaxic cäbe nabe.

K'atal tak Tzij 8:4

Ri Jedeon e rachil ri oxib sient achijab xebopan chuchi' ri nima' Jordan, xek'ax chupam pune' sibalaj e cosinak chic rumal ri cokataxic ri qui c'ulel.

Nabe Samuel 10:22

xquitz'onoj chi c'u jumul che ri Ajawaxel, che retamaxic we c'o ri Saul chi'. Ri Ajawaxel xubij chi c'o chic chila', u c'u'm c'u rib chquixo'l tak ri jastak.

Nabe Samuel 14:37

Ri Saul xuta che ri Dios: “¿La quintakej cokataxic ri aj pilisteyib? ¿La quebe jach la pa qui k'ab ri aj israelib?” Are c'u ri Ajawaxel man c'o ta xutzelej u bixic pa ri k'ij ri'.

Nabe Samuel 23:2

ri are' xbec xutz'onoj u no'j che ri Ajawaxel, xubij che: “¿Jas cäbij la, a quinbe che qui ch'äquic ri aj pilisteyib?” Ri Ajawaxel xutzelej u bixic che: “Je', chabana' c'ax chque chawesaj ri tinimit keil pa qui k'ab.”

Nabe Samuel 23:4

Ri David xutz'onoj chi u no'j che ri Ajawaxel. Ri Ajawaxel xutzelej u bixic che: “Chatakej a be jät pa Keil, quebenjach na ri aj pilisteyib pa k'ab.”

Nabe Samuel 28:6

Xutz'onoj c'u u no'j che ri Ajawaxel, ri Ajawaxel man c'o ta xutzelej u bixic che mawi pa u waram mawi rumal Urim, mawi cumal e k'axal tzij.

Nabe Samuel 30:18

Ri David xuc'am ronojel ri xqueläk'aj ulok ri aj amalesib, xukuje' xebuc'am ri quieb rixokil.

Nabe Samuel 30:19

Man c'o ta jun ch'utinalaj jasach xquitzak ta che ronojel ri xeläk'ax ulok chque, xukuje' mawi ne jun ac'al xsachic, mawi jun achi, mawi jun ixok, ronojel c'ut xuc'am ri David.