Nabe Samuel 30:21 - Quiché Bible

²¹ Aretak xopan ri David jawije' xecanaj wi can ri quieb sient (200) achijab ri rumal ri qui cosic man xecuintaj xecachilaj ta bic, xane' xecanaj can chuchi' ri nim' re Besor, xebel ulok che u c'ulaxic xukuje' ri e achilaninak. Ri David xkeb coc' xuta' rutzil qui wäch.

Nabe Samuel 30:21 ပူးပေါင်းရင်းမြစ်များ

Hebreos 13:1

Chäjekel ri lok'ok'enic aj achalaxic chixo'l.

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.

K'atal tak Tzij 8:15

Xbe c'u ri Jedeon pa Sucot, xubij chque ri aj chila': “¿A cänataj chiwe chi xitze'j nu wäch rumal rech ri Zeb, xukuje' ri Zalmun? ¿La cänataj chiwe chi man xiwaj taj xiya' qui caxlanwa ri achijab ri e wachil, ri sibalaj e cosinak chic, xibij chke chi c'ä maja' cujcuin che qui chapic ri e ka c'ulel? ¡E c'o c'u chiwäch camic!”

Nabe Samuel 17:18

Chebac'ama' bic we lajuj (10) quexu ri' caya' che ri qui nimal ri ajch'ojab. Chawila' jas ri qui banom ri awatz chac'ama' ulok jun jasach chwe ri cac'utuwic chi utz qui wäch.”

Nabe Samuel 17:22

Ri David xebujach can ri jastak ri e ruc'am ulok pu k'ab ri chajil que ri jastak quech ri ajch'ojab, caxiq'uinic xbec xunima' rib chquixo'l ri ajch'ojab che u ta'ic chque ri ratz jacha' e c'olic.

Nabe Samuel 30:10

Chila' xecanaj wi quieb sient (200) achijab ri sibalaj e cosinak ri man xecuin taj xek'ax chupam ri Besor, xutakej c'u u be ri David cuc' ri quiejeb sient (400) che qui rikic ri eläk'omab.

Nabe Samuel 30:22

Jujun chque ri rachijab, ri e itzel tak winak xukuje' e banal tak etzelal, xek'ilonic xquibij c'ut chi jachin tak ri man xebe ta cuc' c'o maya' chque ri jastak ri e qui c'amom ulok, xuwi ri quixokil xukuje' ri calc'ual, xuwi c'u wa' che qui c'ama' bic chetzelejok.