Nabe Samuel 3:19 - Quiché Bible

¹⁹ Ri Samuel xnimaric, xto' rumal ri Ajawaxel man c'o ta ne jun chque tak ri e u chi'nic ri ma ta xebutz'akatisaj.

Nabe Samuel 3:19 ပူးပေါင်းရင်းမြစ်များ

Chapletajic 21:22

Pa tak c'u ri k'ij ri' ri Abimelec xbe che u ch'abexic ri Abraham. Xachilax bic rumal ri Picol, qui nimal ri rajch'ojab. Ri Abimelec xubij che ri Abraham: “Cäkilo chi ri Dios catuto' che ronojel ri cäbano.

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Chapletajic 39:3

Ri Potipar xuch'obo chi ri Ajawaxel ri c'o ruc' ri Jose are cäbanowic chi ronojel ri cubano, utz quelic.

Nabe Ajawinelab 8:56

“¡Tewichital ba' ri Ajawaxel, ri u yo'm ri jamaril che ri Israel ri u tinimit, je jas ronojel ri u chi'm! Man c'o ta jun chque ri utzalaj tak chi'nic ri u banom rumal ri Moises ri pataninel rech ri ma ta xebutz'akatisaj.

Ucab Ajawinelab 10:10

Kas ba' chiwetamaj chi man c'o ta ri u bim ri Ajawaxel chrij ri Acab ri ma ta catz'akatic. Kas are' ri Ajawaxel banowinak ri xuya' u bixic rumal ri Eliy, ri pataninel rech.”

Ucab Ajawinelab 15:12

Jewa' xban che u tz'akatisaxic ri xuya' u bixic ri Ajawaxel che ri Jehu, aretak xubij che chi quet'uyi' na ri e u c'ojol puwi ri tem re ajawibal re Israel c'ä chucaj ija'lil.

Ucab Ajawinelab 22:16

chi ri in, ri Ajawaxel, quinbij: Quinwerej na ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, je jas ri cubij ri wuj ri xusiq'uij u wäch ri ajawinel re Juda.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Ri Isaiy 44:26

Quinban c'ut chi ri cäquibij ri e pataninelab tak wech je cäbantajic, xukuje' chi utz quebel wi ri qui chomanic ri e nu tako'nib. In quink'alajisaj chi ri Jerusalen cänoj chi na chque winak, chi conojel ri tinimit tak re Juda queyac chi na jumul. In quinbano chi quebel na chupam ri yojyobic ri e c'o wi.

Ri Isaiy 55:11

jeri' xukuje' ri tzij ri quel ulok pa ri nu chi', man cätzelej ta wuc' we ta ma ta cuban na ri u patan, xane' cuban na ri quinwaj cutz'akatisaj c'ut ri takanic ri quinya' che.

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Ri Lucax 1:28

Xoc bic ri tako'n aj caj jawije' ri c'o wi ri Mariy, xubij che: “¡Quinya' rutzil a wäch, tok'obisam a wäch rumal ri Dios! Ri Ajawaxel c'o awuc'.”

Ri Lucax 1:80

Ri alaj ac'al caq'uiyic xukuje' cacowir pa uxlabal. Xc'oji' c'ut pa ri chaki'j uwo sak c'ä pa ri k'ij aretak xuc'ut rib chquiwäch ri aj israelib.

Ri Lucax 2:40

Ri ac'al caq'uiyic, cacowiric, caq'uiy pa ri no'j. Are c'u ri u tok'ob ri Dios c'o puwi'.

Ri Lucax 2:52

Xq'uiy ri Jesus, xnimar ri u no'j, xcowiric. Utz quil wi rumal ri Dios xukuje' cumal ri winak.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

2 Corintios 13:14

Ri u tok'ob ri Ajawaxel Jesucrist, ri lok'ok'ebal u c'u'x ri Dios, xukuje' ri u wächbal ri Ruxlabal ri Dios cäc'oji' iwuc' chnimalaj iwonojel.

U Camulixic ri Pixab 18:22

We ri u bim ri k'axal tzij pa ri u bi' ri Ajawaxel, man je ta quelic jas ri xubij, are cäc'utuw wa' chi man are ta xbin ri Ajawaxel. Xane' ri k'axal tzij xubij we tzij ri' xa che u banic nimal; mixe'j c'u iwib chuwäch.”

2 Timoteo 4:22

Ri Ajawaxel Jesucrist chc'ol ta ruc' ri awanima'. Are' ta ri Dios cuban tok'ob chiwe.

Ri Josue 21:45

Mawi ta ne xa ta jun tzij xcanajic ri ma ta xtz'akatic chque conojel ri utzalaj tak chi'nic ri xebuchi'j ri Ajawaxel chque ri aj israelib.

K'atal tak Tzij 13:24

Pa ri u k'ijol, ri ixok xc'oji' jun ral ala ri xucoj Sanson che u bi'. Ri ac'al xq'uiyic, cätewichi'x c'u rumal ri Ajawaxel.

Nabe Samuel 10:7

Aretak e a c'ulmam chi we jastak ri', chabana' ri takal u banic cawilo, catuto' c'u na ri Dios.

Nabe Samuel 12:2

Are ajawinel wa' ri cäc'amow na i be. Ri in in ri'jobinak chic xukuje' nojinak chic ri sak pa nu jolom ri e nu c'ojol e c'o chixo'l. C'ä in ac'al aretak xinmajij u c'amic i be, nu c'amom c'u i be c'a pa tak ri k'ij camic,

Nabe Samuel 16:18

Jun c'ut chque xubij: “In wilom chi jun chque ri u c'ojol ri Isayi, ri aj Belen, sibalaj reta'm cäk'ojomanic; xak c'u u tz'akat chic, chi jun cowilaj ajch'o'j, sibalaj cuchomaj na ri cubij; sibalaj je'lic ri u ca'yebal c'o c'ut ri u to'banic ri Ajawaxel ruc'.”

Nabe Samuel 18:12

Ri Saul cuxe'j rib chuwäch ri David, are' c'ut ri Ajawaxel cayo'w ri to'banic che ri David man cuto' ta chi c'ut ri are'.

Nabe Samuel 18:14

Rumal c'u rech chi are ri Ajawaxel cato'wic, ri David utz quel pa ronojel ri cubano.

Nabe Samuel 18:5

Rumal rech chi ronojel takanic ri cuya' ri Saul che ri David sibalaj utz u banic cubano, rumal ri' ri Saul xucoj paquiwi' ri achijab ri quebe pa tak ri ch'o'j. Sibalaj c'u xkaj wa' chquiwäch conojel ri ajch'ojab xukuje' chquiwäch ri nimak qui k'ij ri e c'o ruc' ri Saul.

Nabe Samuel 2:21

ri Ajawaxel cutewichi'j ri Na', cacanaj yawab winak. Je c'u ri' ri Na' xeralaj oxib ral alabom xukuje' quieb alitomab, are c'u ri ala Samuel u takem q'uiyem chuwäch ri Ajawaxel.

Nabe Samuel 2:26

Are' c'u ri ala Samuel ri u takem q'uiyem, ri u c'aslemal cäkaj chuwäch ri Ajawaxel xukuje' chquiwäch tak ri achijab.

Nabe Samuel 9:6

Ri pataninel xubij che: “Chupam we tinimit ri' c'o jun k'axal tzij sibalaj nim u k'ij cumal conojel ri winak, ronojel ri cuya' u bixic kas je cäc'ulmatajic. Jo' chila', craj ne cubij ri be chke ri takal u takexic kumal.”