Nabe Samuel 3:12 - Quiché Bible

¹² Ri k'ijol ri', kas copan na, quintz'akatisaj na che ri Eli ronojel ri nu bim che chi cäquic'ulmaj na ri rachalaxic.

Nabe Samuel 3:12 ပူးပေါင်းရင်းမြစ်များ

Ri Ezequiel 21:5

Conojel ri winak ri e c'o chuwäch ri uwächulew cäquetamaj chi in, ri Ajawaxel, nu josim ri nu ch'ich' re ch'o'j, man c'u quenc'olo taj.’

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ri Lucax 21:33

Cäsach na u wäch ri caj ulew, are c'u ri nu tzij man cäsach ta u wäch.

Ri Josue 23:15

Je c'ut, chi xtz'akat ronojel ri utz ri xuchi'j ri Ajawaxel chiwe, jeri' xukuje' ri are' cuc'am na ulok piwi' ronojel qui wäch etzelal, c'ä man c'o ta jun chiwe cacanaj ta can pa we utzalaj ulew ri' ri xuya' chiwe,

K'atal tak Tzij 4:24

Ri aj israelib kas chi' xquichaplej u banic c'ax che ri Jabin, c'ä xquisach na u wäch.

Nabe Samuel 4:11

Xecuin c'u che u c'amic bic ri u caxa ri Dios, xquicämisaj c'ut ri Opni xukuje' ri Pinees ri e quieb u c'ojol ri Eli.

Nabe Samuel 4:17

“Ri aj israelib xebanimaj chquiwäch ri aj pilisteyib,” xcha' ri ya'l takquil. “Xecämisax q'uialaj tinimit winak, xecämisax c'u xukuje' ri quieb c'ojol la, ri Opni xukuje' ri Pinees, xc'am c'u bic ri u caxa ri Dios cumal ri pilisteyib.”

Nabe Samuel 4:21

xucoj c'u Icabod che u bi' ri ac'al, je c'u xubij wa': “Ri Israel man nim ta chic u k'ij, rumal rech chi xch'äcataj bic ri u caxa ri Dios.” Are c'u xubij ri u ch'äquic bic ri caxa, xukuje' ri u cämical ri ralib tata' xukuje' ri u cämical ri rachajil.