Nabe Samuel 29:9 - Quiché Bible

⁹ Ri Aquix xutzelej u bixic: “Ri in sibalaj jic chnuwäch chi sibalaj at utz jacha' jun aj cajalaj u tako'n ri Dios, are c'u ri e qui nimakil ri aj pilisteyib qui chomam chi man catoc ta kuc' pa ri ch'o'j.

Nabe Samuel 29:9 ပူးပေါင်းရင်းမြစ်များ

Ucab Samuel 14:17

We pataninel ech la ri' cäreyej chi cätzelej la u bixic cuya na quicotemal chwe, lal eta'm la u ch'obic ri utz xukuje' ri man utz taj, lal junam ruc' jun aj cajalaj u tako'n ri Dios. ¡Are' ba' ri Dios ri Ajawaxel chcanaj uc' la!”

Ucab Samuel 14:20

Xuban c'ut ruc' ri u rayinic chi queq'uextaj ri jastak. Are c'u ri lal sibalaj c'o no'j la chi c'o retamanic jacha' jun aj cajalaj tako'n rech ri Dios ronojel ri cac'ulmataj pa ronojel ri ulew.”

Ucab Samuel 19:27

Xubana' c'u tzij chwij chwäch la. Are c'u ri lal xak lal junam ruc' jun aj chicajalaj u tako'n ri Dios cuban c'u na jachique ri utz carilo.

Gálatas 4:14

We yabil ri' jun c'ambejebal wa' chiwe, chi man xiwetzelaj ta nu wäch mawi xinipakchi'j rumal rech, xa' c'u ne man je ta wa', xane' xinic'amowaj jacha' jun aj cajalaj u tako'n ri Dios, ¡je ta ne ri kas are' ri Jesucrist!

Nabe Samuel 29:4

Are c'u ri e qui nimakil ri aj pilisteyib xpe coyowal chrij ri Aquix, xquibij c'u che: “Chabij ba' che chi chtzelej pa ri tinimit ri a yo'm che, muj rachilaj c'ut pa ri ch'o'j; mawalij c'u ne chkij aretak nimatajinak ri ch'o'j. ¡Ri utzalaj banoj ri takal u banic rumal rech quel ri royowal ri rajaw, are u c'amic bic ri qui jolom we ajch'ojab ri' chuwäch ri rajaw!