Nabe Samuel 29:3 - Quiché Bible

³ Ri e quinimakil ri aj pilisteyib xquic'ot u chi' ri Aquix, xquibij che: “¿Jas caquiban we aj hebrey ri' waral?” Ri Aquix xutzelej u bixic chque: “Are ya' wa' ri David ri qui nimal ri e rajch'ojab ri Saul, ri ajawinel pa Israel. Quieb oxib junab chi c'ut c'olinak wuc', kas pa ri k'ij ri c'olinak wuc' c'a camic man c'o ta jas jun etzelal nu rikom ta pa ri u c'aslemal.”

Nabe Samuel 29:3 ပူးပေါင်းရင်းမြစ်များ

Chapletajic 14:13

C'o c'u jun achi ri xcuinic xuto' rib ri man xcämisax taj, are wa' ri xbec xuya' u bixic che ri Abram ronojel ri xbantajic. Ri Abram are ri aj hebrey, ri jekel pa ri c'ache'laj aj räx che' ri rech ri Mamre ri aj amorey. Ri Mamre rachalal ri Escol xukuje' ri Aner, ri e are' e utz ruc' ri Abram.

Nabe Tzijobelil 12:19

Xukuje' jujun chque ri e ramak' ri Manases xek'ax ruc' ri David aretak xec'ol quieb oxib k'ij cuc' ri aj pilisteyib che u tijic u chuk'ab ruc' ri Saul. Man je ta c'u xc'ulmatajic ri David man xya'taj ta che chi xebuto' taj ri aj pilisteyib, rumal rech chi ri e qui k'atal tak tzij aretak qui mulin chi quib, xquichomaj u k'ilic, xquibij c'ut: “¡Cumal tak ri ka jolom cäk'ax na ruc' ri Saul ri rajaw!”

Nabe Tzijobelil 12:20

Ri achijab ri e aj ramak' ri Manases ri xek'ax ruc' ri David aretak xbe wa' pa Siclag e are' wa' Adnas, Jozabad, Jediael, Micael, Jozabad, Eliu xukuje' ri Ziletay, e qui nimal jujun tak mil e rajch'ojab ri Manases.

Ri Daniel 6:5

Xquitakej c'u u chomaxic jas cäquibano rech cäkaj pa qui k'ab, xquibij c'ut: “Man cäkarik ta na jun mac ri cäkatzujubej ta rech ri Daniel, we man jun jasach re ri u cojonic.”

Ri Xuan 19:6

Aretak ri qui nimakil ri e cojol tabal tok'ob xukuje' ri e pataninelab xquilo, xquirak qui chi', xquibij: “¡Charipa' la! ¡Charipa' la!” Ri Pilat xubij chque: “Chic'ama' bic ix, chiripa'. Are c'u ri in man c'o ta jun etzelal quinrik chrij.”

Romanos 12:17

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

Nabe Samuel 14:11

Je c'u ri' qui cabichal xquiya' c'olbal chi queilitaj cumal ri juk'at aj pilisteyib ri e c'o che u banic ch'o'j. Aretak c'u xeilitaj cumal wa', xquibij: “Chiwila', cätajin quebel ulok ri aj hebreyib pa tak ri pec ri xequic'olola' wi quib.”

Nabe Samuel 25:28

cuyu' ba' la ri u mac we pataninel ech la ri'. Kastzij ri Ajawaxel cacanajisax la rumal xukuje' tak ri e ija'lil la pa ri takanic, cätajin c'u ya' catij k'ij la che u banic ri u rayibal ri Ajawaxel, pa ronojel c'u ri c'aslemal la man cataklebej ta na la jun etzelal.

Nabe Samuel 27:1

Cuchomaj ri David: “We mata'm o chanim ri Saul quinucämisaj na. Rumal ri' ri utz na ri quinbano are ri wanimajic quinbe pa ri culew ri pilisteyib, rech man cuya' ta chi latz' ri Saul chwe, man quinutzucuj ta chi c'ut pa ronojel ri ulew re Israel. We je quinban wa' quinto'taj na man quinkaj ta na pu k'ab.”

Nabe Samuel 27:7

Ri David xjeki' jun junab ruc' quiejeb ic' pa ri culew ri pilisteyib.

Nabe Samuel 29:6

Xsiq'uix c'u ri David rumal ri Aquix, xubij che: “Sibalaj kastzij jacha' c'asal ri Ajawaxel, chi ri at, at jun suc'alaj achi. Sibalaj c'u kajinak chnuwäch ri caban che u c'amic qui be ri ajch'ojab. Man nu rikom ta jun etzelal pa ri a c'aslemal pa ri k'ij ri at ulinak wuc' man c'u catkaj ta chquiwäch ri e qui nimakil ri aj pilisteyib,

Nabe Samuel 4:6

Aretak ri aj pilisteyib xquita' ri nimalaj rakoj chi'aj, xquic'otola' qui chi' xquibij: “¿Jasche c'o sibalaj wululem chquixo'l ri aj hebreyib pa ri qui kajebal?” Aretak xquetamaj chi opaninak ri u caxa ri Ajawaxel chquixo'l ri ajch'ojab,