Nabe Samuel 28:3 - Quiché Bible

³ Pa tak ri k'ij ri' cäminak chic ri Samuel conojel c'ut ri pa Israel cok'em ri u cämical, aretak c'u xbantaj wa' qui mukum chic pa Rama, are c'u kas u tinimit wa'. Ri Saul, e resam chi bic pa ri ulew ri ch'obonelab xukuje' ri quetzijon cuc' cäminakib.

Nabe Samuel 28:3 ပူးပေါင်းရင်းမြစ်များ

Elem 22:17

We c'u man craj ri u tat ri ali cuya' ri u mia'l che ri ala, ri ala kas cutoj wi na ri u k'apojil ri ali ri nak'atisam u ya'ic.

Elem 22:18

Mic'asba' ri ixok ajitz.

Aj Levitib 19:31

Mixbe cuc' ri ajk'ijab, mawi cuc' ri ch'obonelab mitz'onoj i no'j chque, quitz'iloj c'u iwib ri' cuc'. In ri' ri Ajawaxel.

Aj Levitib 20:27

Ri achi ri ixok ri c'o jun uxlabal ruc' ri cuban ch'obonic, cäcämisax na; abaj cacämisabex rech, are' ajchak'mac che ri u cämical.”

Aj Levitib 20:6

We c'o c'u jachin jun que cuc' cacojon chque ri uxlabalib xukuje' tak ri ch'obonelab, cutz'iloj c'u rib rumal qui ternexic, quinkasaj na ri woyowal puwi' ri winak ri', xukuje' quinwesaj na ri u bi' chquixo'l ri u winakil.

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

Nabe Samuel 25:1

Xcäm ri Samuel, conojel c'ut ri aj israelib xquimulij quib che rok'exic ri u cämical. Xquimuk pa ri rachoch, ri c'o pa Rama. Xuwi c'u xbantaj wa' ri David xbe pa ri chaki'j uwo sak re Paran.

Nabe Samuel 28:9

Ri ixok xutzelej u bixic: “At aweta'm ri u banom ri Saul, chi e resam bic pa ri ulew ri ch'obonelab xukuje' ri quetzijon cuc' cäminakib. ¿Jasche quinanim pa jun jasach ri quincämisax u mac rech?”

Nabe Samuel 7:17

Cätzelej chi c'u ulok pa Rama, jawije' ri jekel wi, kas chila' c'u c'o wi che u k'atic tzij puwi' ri Israel. Xukuje' xuyac jun porobal chila' che ri Ajawaxel.