Nabe Samuel 28:14 - Quiché Bible

¹⁴ Ri Saul xuc'ot u chi' ri ixok xubij che: “¿Jas ri u bantajic?” “Jun tata' nim winak, u bak'atim rib pa jun u k'u',” xcha' ri ixok. Ri Saul xuch'ob c'ut chi are' ri Samuel, xumej rib c'a xukasaj ri u palaj cho ri ulew.

Nabe Samuel 28:14 ပူးပေါင်းရင်းမြစ်များ

Nabe Ajawinelab 19:19

Ri Eliy xel bic chila' xurik c'ut ri Elisey ri cätajin cuban c'upuj, e benak cablajuj c'ulaj wacax chuwäch, kas are' c'u u c'aninak bic ri q'uisbal c'ulaj. Ri Eliy xkeb chuxcut, xuq'uiak c'ut ri u k'u' chrij.

Ucab Ajawinelab 1:7

Ri ajawinel xuc'ot qui chi': “¿Jas u banic ri achi ri xuya' rib pa ri i be ri xbin c'u wa' chiwe?

Ucab Ajawinelab 2:8

Xpe c'u ri Eliy xuc'am ri u k'u', xuban jun bolobic che xupak'ij c'ut ri ja', xuban c'u quieb ri ja', qui cabichal c'ut xek'ax chupam ri nima' jacha' ta ne pa chaki'j ulew.

Nabe Samuel 15:27

Ri Samuel xusutij rib che relic bic, are c'u ri Saul xuchap che ri u chi' ri u k'u' xutanc'ayij c'ut.

Nabe Samuel 24:8

Xteri' chi c'u ulok ri David chrij xel ulok pa ri pec, xurak c'u u chi' che, xubij: “¡Wajaw, ajawinel!” Xca'y c'u ri Saul chrij, are c'u ri David xumej rib c'ä cho ri ulew che u c'utic chi nim caril wi ri Saul,

Nabe Samuel 28:13

Xubij c'u ri ajawinel che: “Maxe'j awib. ¿Jas ri awilom?” “Quinwil jun dios ri cätajin quel ulok chupam ri ulew,” xcha' ri ixok.