Nabe Samuel 27:4 - Quiché Bible

⁴ Aretak xretamaj ri Saul chi ri David xanimajic xbe pa Gat, xutanaba' u tzucuxic.

Nabe Samuel 27:4 ပူးပေါင်းရင်းမြစ်များ

Ucab Samuel 15:18

Conojel c'u ri e c'o chuxe' ri u takanic xquicholajij quib pa tak uxcut, e are' tak c'ut ri sereteyib xukuje' ri peleteyib ri e chajinelab che ri rachoch ri ajawinel, xukuje' ri wakib sient (600) jeteyib ri xeteri ulok chrij kas pa Gat, quicholajim quib e nabejinak chuwäch.

Nabe Samuel 26:21

Xubij c'u ri Saul: “¡David nu c'ojol quinch'obo chi in macuninak! ¡In uxinak jacha' jun con, nu banom jun nimalaj sachinakil! Chatzelej ba' man quintzucuj ta chi u banic c'ax chawe, a c'utum c'ut pa we k'ij camic chi nim cawil wi ri nu c'aslemal.”

Nabe Samuel 27:3

Ri David xukuje' ri achijab ri e c'o ruc' xejeki' pa Gat, ruc' ri Aquix, chquijujunal cuc' ri quixokil ri calc'ual. Ri David xebuc'am bic ri quieb rixokil: ri Ahinoam ri quel pa Jezreel, xukuje' ri Abigail, ri u malca'n ri Nabal, ri quel pa Carmel.

Nabe Samuel 27:5

Xubij ri David che ri Aquix: “We ri lal wajaw, caj la catok'obisaj la nu wäch, ya' la c'olbal chwe quinjeki' pa jun chque ri tinimit re we ulew ri', man ya'tal ta c'ut chi we pataninel ech la ri' wajaw cajeki' uc' la pa ri tinimit ajawibal.”