Nabe Samuel 27:1 - Quiché Bible

¹ Cuchomaj ri David: “We mata'm o chanim ri Saul quinucämisaj na. Rumal ri' ri utz na ri quinbano are ri wanimajic quinbe pa ri culew ri pilisteyib, rech man cuya' ta chi latz' ri Saul chwe, man quinutzucuj ta chi c'ut pa ronojel ri ulew re Israel. We je quinban wa' quinto'taj na man quinkaj ta na pu k'ab.”

Nabe Samuel 27:1 ပူးပေါင်းရင်းမြစ်များ

Nabe Ajawinelab 12:26

Xuchomaj c'ut: “Ri u c'ojol ri David cacuin che u k'axexic ronojel ri ajawibal pa u k'ab,

Nabe Ajawinelab 12:28

Chomatajinak chi c'ut, ri ajawinel xtakan che qui banic quieb alaj tak ama'ib wacax re k'an puak, xubij c'u che ri tinimit: “Ix, israelib, sibalaj q'ui mul chic ix petinak pa Jerusalen. E c'o tak we e i diosib ri' ri xixesan ulok pa Ejipt.”

Nabe Ajawinelab 19:3

Ri Eliy aretak xuta' chi xak quieb tzij puwi', che c'u u to'ic ri u c'aslemal, xbe pa Beerseb ri c'o pa Juda chila' c'u xuya' wi can ri pataninel re.

Ucab Tzijobelil 25:17

Are c'u ri Amasiy, ajawinel re Juda, are xutakej ri qui no'j jule' chic, xutak c'u u bixic che ri Joas, u c'ojol ri Joacaz xukuje' ri' u mam c'ut ri Jehu, ajawinel re israel: “Tasaj cäquil c'u na quib ri ka palaj awuc'.”

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

Salmib 55:7

Quinrapap ta ri' quinbe naj; quinejekel ta ri' pa ri chaki'j uwo sak.

Elem 14:12

¿La ma ta are wa' ri xkabij chawe pa Ejipt?: ‘Macoj a chuk'ab chke, chekapatanij na ri aj ejiptib. Are utz chke we ta are xekapatanij na ri aj ejiptib chuwäch ri xa cujelcäm pa we chaki'j uwo sak ri'.’ ”

E C'ambal tak Tzij 13:12

Eyebal c'uxaj man je ta quelic, anima'aj c'axc'obinak, are c'u ri rayinic ri tz'akatinak xak junam ruc' juwi' che' re c'aslemal.

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Ajilanic 14:3

¿Jasche xujuc'am ulok ri Ajawaxel chupam we ulew ri'? ¿Rech cujcäm chupam ri ch'o'j, e are' c'u ri kixokil xukuje' tak ri kalc'ual quekaj pa qui k'ab ri c'ulel? ¡Are utz na chke chi chujtzelej pa Ejipt!”

Ri Matey 14:31

Ri Jesus xuc'am che ri u k'ab, xuchapo, xubij che: “Ri at, xa' jubik' a cojonic, ¿jasche xuban quieb a c'u'x?”

Marcos 4:40

Xubij chque ri u tijoxelab: “¿Jasche quixe'j iwib? ¿Jasche man c'o ta i cojonic?”

2 Corintios 7:5

Aretak xujopan pa Masedon, man c'o ta uxlanem xkaya' che ri ka cuerp, xane' xekarik ronojel u wäch c'axc'olil. Xepe tak u q'ueyowal pakawi' xe'n tak ib pa ri kanima'.

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 16:13

Xuc'am c'ut ri Samuel ri u c'a' ri c'o aseit chupam, xutas ri c'ojol ala chquiwäch conojel ri e rachalal jacha' che ajawinel, ri cabinax David. Pa we jok'otaj ri', ri ruxlabal ri Ajawaxel xk'ijin puwi' ri David. Xwalij c'u ri Samuel xtzelej pa Rama.

Nabe Samuel 20:3

Xutakej c'u u bixic ri David: “Ri a tat kas reta'm chi quel a c'u'x chwe, man craj ta c'u ri' chi cawetamaj rech man cäpe ta awoyowal. ¡Quinban ri chi'nic ri kas cäban na quincha' chawe pa ri u bi' ri Ajawaxel xukuje' pa ri a bi' at chi man cäbeytaj taj ri nu cämisaxic!”

Nabe Samuel 22:5

Are c'u ri Gad, ri k'axal tzij, xuya' u no'j ri David xubij che: “Matcanaj chupam ri to'bal ib. Chatakej a be, jät pa ulew re Juda.” Xuban c'ut ri David ri xbix che, xbec, xopan c'u pa ri c'ache'laj ri c'o pa Haret.

Nabe Samuel 23:17

Xubij che: “Maxe'j awib, rumal rech chi ri Saul ri nu tat, man cäcuin ta che a rikic. At catux na rajawinel ri Israel, are c'u ri in, in ri ucab nim u k'ij. Ri Saul ri nu tat reta'm wa'.”

Nabe Samuel 25:30

Je c'u ri' aretak ri Ajawaxel cutz'akatisaj ronojel ri utzil ri u yo'm u bixic che ri c'aslemal la, chcoj c'u la rumal che c'amal u be ri Israel,

Nabe Samuel 26:19

In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.

Nabe Samuel 29:2

Aretak c'u ri e qui nimal ri aj pilisteyib xukuje' tak ri e cajch'ojab quek'atat pa tak mil cätajin quebec, ri David xukuje' tak ri rachijab e teren chrij ri Aquix.

Nabe Samuel 29:3

Ri e quinimakil ri aj pilisteyib xquic'ot u chi' ri Aquix, xquibij che: “¿Jas caquiban we aj hebrey ri' waral?” Ri Aquix xutzelej u bixic chque: “Are ya' wa' ri David ri qui nimal ri e rajch'ojab ri Saul, ri ajawinel pa Israel. Quieb oxib junab chi c'ut c'olinak wuc', kas pa ri k'ij ri c'olinak wuc' c'a camic man c'o ta jas jun etzelal nu rikom ta pa ri u c'aslemal.”