Nabe Samuel 26:5 - Quiché Bible

⁵ Xbe c'u na c'ä pa ri c'olbal ri kajinak wi ri Saul kas c'u xrilo jawije' cawar wi ri Saul xukuje' ri Abner, ri u c'ojol ri Ner, ri qui nimal ri e rajch'ojab ri Saul. Cawar c'u ri Saul pa qui niq'uiajil ri ajch'ojab pa ri kajebal, sutim c'u rij cumal conojel ri u winak.

Nabe Samuel 26:5 ပူးပေါင်းရင်းမြစ်များ

Ucab Samuel 3:27

Aretak xopan ri Abner pa Hebron, ri Joab xuc'am bic chuwäch ri roquibal ri tinimit, rech xa u tuquiel cätzijon ruc' xucoj c'u jun ch'ich' re ch'o'j chupam che u cämisaxic, che u tojic u q'uexel ri u cämisaxic ri Asael ri rachalal.

Nabe Tzijobelil 9:39

Ri u c'ojol ri Ner are' ri Sis, ri u c'ojol ri Sis are' ri Saul, are c'ut ri e u c'ojol ri Saul are' ri Jonatan, Malquixu, Abinadab xukuje' ri Es-baal.

Nabe Samuel 17:20

Ak'ab xwalij ri David che ri ucab k'ij, xebuya' can ri chij pu k'ab jun chic, xutakej ri u be xebuc'am bic ri jastak ri xejach pu k'ab rumal ri Isayi. Aretak xopan pa ri kajebal jawije' ri cätajin wi ri ch'o'j, ri ajch'ojab elem cäquiban bic che u banic ch'o'j, cäquirak c'u qui chi' che u banic ri ch'o'j.

Nabe Samuel 17:55

Ri Saul u c'otom chi c'u u chi' ri Abner, ri quinimal ajch'ojab, aretak xrilo chi benak ri David che u c'ulaxic ri pilistey xubij che: “Abner, ¿jachin ri u tat wa' we ala ri'?”

Nabe Samuel 26:4

xebutak c'u bic ilonelab che retamaxic c'a jawije' ri opaninak wi ri Saul.

Nabe Samuel 9:1

Chupam ri ramak' ri Benjamin c'o jun achi Sis u bi'. Ri u tat ri Sis are' ri Abiel. Ri u tat ri Abiel are' ri Zeror. Ri u tat ri Zeror are' ri Becorat. Ri u tat ri Becorat are' ri Api. Ri Sis are jun achi ri sibalaj nim quil wi,