Nabe Samuel 25:7 - Quiché Bible

⁷ Xinta' u tzijol chi cätajin casocaj quij ri a chij. Xukuje' ri at aweta'm chi ri awajyuk'ab e c'olinak pa Carmel kuc', aretak c'ut xec'oji' kuc' mawi jumul xkaban ta c'ax chque ri e awajyuk'ab, mawi c'o xkamaj ta chque.

Nabe Samuel 25:7 ပူးပေါင်းရင်းမြစ်များ

Ucab Samuel 13:23

Quieb junab oc'owinak chi wa', ri e rajchaquib ri Absalon cätajin caquisocaj quij ri e u chij pa Baal-hazor, chunakaj ri tinimit Eprain, ri Absalon xerula'j conojel ri e u c'ojol ri ajawinel.

Ucab Samuel 13:24

Xbe c'u ne che rilic ri ajawinel, xubij c'u che: “Camic ri cätajin casocax quij ri nu chij cumal ri wajchaquib, sibalaj quinwaj chi ri lal xukuje' ri nimak qui k'ij ri e ach tak k'atal tzij la chelya' ta alak u k'ij we pataninel ech la ri' ruc' ri qui c'olem.”

Ri Lucax 3:14

Xukuje' ri ajch'ojab xquita' che, xquibij: “E c'u ri uj, ¿jas cäkaban na?” Ri Xuan xutzelej u bix chque: “Miban c'ax che jachin jun. Micoj xe'n ib che reläk'axic qui rajil ri winak. Mibij jalum k'abam chquij. Chixquicot ruc' ri tojbal iwe.”

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Filipenses 4:8

Chuq'uisbalil, wachalalib, e joropa' jastak ri kas e je, e joropa' jastak ri ya'tal u ya'ic qui k'ij, e joropa' jastak ri e suc', e joropa' jastak ri e ch'ajch'oj, e joropa' jastak ri ya'tal qui lok'ok'exic, e joropa' jastak ri e utz qui tzijol, we c'o c'u apachique utzil, o apachique ak'anasibal k'ij, e are' wa' chebino'jij.

Nabe Samuel 22:2

Xukuje' xequimulij quib ruc' conojel ri e c'o pa tak c'axc'olil, conojel ri c'o qui c'as xukuje' conojel ri man cäquirik taj jas caquibano, ri David are xux c'amal qui be. Ri quebin ruc' craj e c'o quiejeb sient (400) achijab.

Nabe Samuel 25:21

Petinak ri David cätajin cuchomaj chi xak lok' xebuchajij conojel ri u chij ri Nabal ri e c'o pa ri chaki'j uwo sak, man c'o ta c'u jun jas rech xutokij, itzel c'u rajil u q'uexel ri utzil xuya' che.