Nabe Samuel 25:42 - Quiché Bible

⁴² Aretak xbitaj wa' rumal xusuc'umaxtaj rib, xachilax bic cumal job pataninelab rech alitomab, xquiejen bic chrij jun bur xuchap c'u binem xteri' chquij ri u tako'n ri David, xc'uli' c'u ruc'.

Nabe Samuel 25:42 ပူးပေါင်းရင်းမြစ်များ

Ucab Samuel 2:2

Ri David xbe chila' xebuc'am bic ri quieb rixokil: ri Ahinoam, ri quel pa Jezreel, xukuje' ri Abigail, ri u malca'n ri Nabal, ri quel pa Carmel.

Ucab Samuel 3:2

Ri e u c'ojol ri David ri xebalaxic aretak c'o pa Hebron, e are' tak wa': ri nabeal, Amnon, ral ri Ahinoam, ri quel pa Jezreel;

Ucab Samuel 3:3

ri u cab, Quileab, ral ri Abigail, ri u malca'n ri Nabal, ri quel pa Carmel; ri urox, Absalon, ral ri Maac, ri u mia'l ri Talmay, ajawinel re Jesur;

Nabe Samuel 27:3

Ri David xukuje' ri achijab ri e c'o ruc' xejeki' pa Gat, ruc' ri Aquix, chquijujunal cuc' ri quixokil ri calc'ual. Ri David xebuc'am bic ri quieb rixokil: ri Ahinoam ri quel pa Jezreel, xukuje' ri Abigail, ri u malca'n ri Nabal, ri quel pa Carmel.

Nabe Samuel 30:5

Xukuje' xec'am bic ri quieb rixokil ri David: ri Ahinoam, ri aj Jezreel, xukuje' ri Abigail ri u malca'n ri Nabal, ri aj Carmel.