Nabe Samuel 25:41 - Quiché Bible

⁴¹ Ri Abigail xumej rib c'ä cho ri ulew, che u ya'ic u k'ij, xutzelej c'u u bixic: “Ri in xa in apachique pataninel rech ri David, are c'u nu patan ri qui ch'ajic ri cakan ri u pataninelab, we je cubij wa' chwe.”

Nabe Samuel 25:41 ပူးပေါင်းရင်းမြစ်များ

Chapletajic 18:4

We utz che la quintz'onoj jubik' ja' rech quech'aj ri akan alak, chuxlan na alak jubik' chuxe' ri u mu'jal ri che'.

E C'ambal tak Tzij 15:33

Ri u ya'ic u k'ij ri Ajawaxel cätijon che u ya'ic no'j; che u c'amowaxic nimarisabal k'ij, nabe rajawaxic u mach'ic ib.

E C'ambal tak Tzij 18:12

Chrij ri banoj nimal cäpe ri tzakmajic; chrij ri mach'ibalil ri pok'otajic.

Marcos 1:7

Xtzijon c'ut, xubij: “C'o jun petinak chwij ri c'o na u cuinem chnuwäch in. Man takal ta chwe chi quinpachi che qui quiric ri e u c'amal ri u xajäb.

1 Timoteo 5:10

ri quesax u tzijol chi utzalaj chac u banom, ri e u q'uiyisan ral, ri u yo'm okxanibal chque ri winak, ri u ch'ajom ri cakan ri cojonelab, ri e u to'm ri e c'o pa c'axc'olil, ri u banom ronojel u wäch utzalaj tak chac.

Ri Rut 2:10

Ri Rut xumej rib c'ä cho ri ulew che u c'utic chi c'o u q'uixbal, xuban c'ut we c'otoj chi'aj ri' che ri Booz: “¿Jas ri banowinak chi nu rikom ri tok'obisabal wächaj chwäch la, cäban c'u la utzil chwe, man c'u ne in ta aj waral?”

Ri Rut 2:13

Ri are' xutzelej u bixic che: “Ri lal sibalaj cäban la utzil chwe, ri tzij tak la ri quebij la chwe quinquinojisaj che cu'lbal c'u'x. In c'u ch'abem la ruc' ch'uch'ujil, pune' ri in man quinjunamataj ta ruc' jun chque ri ixokib ri e pataninelab la.”

Nabe Samuel 25:23

Ri Abigail xuwi xril apan ri David, xkaj chrij ri bur xumej rib c'a cho ri ulew che u c'utic chi nim caril wi.

Nabe Samuel 25:40

Aretak xebopan ri u tako'n ri David pa Carmel che u ch'abexic ri Abigail, xquibij che: “Ri David xujutak ulok che u bixic che la, chi ri are' are craj cux la rixokil.”