Nabe Samuel 25:31 - Quiché Bible

³¹ man cabison ta na la mawi c'ax ta pa anima' la, chi xtix ta la ri quic' ri man c'o ta u mac, mawi xban ta la ri k'atan tzij la cumal ri k'ab la. Aretak ri Ajawaxel chuya' ri utzil che la, chnataj we pataninel ech la ri' che la.”

Nabe Samuel 25:31 ပူးပေါင်းရင်းမြစ်များ

Chapletajic 40:14

Aretak c'u chc'ulmataj wa', chinnataj chawe, chabana' c'u jun tok'ob chatch'aw panuwi' ruc' ri paraon rech quinresaj chupam we c'olbal ri'. ¡Chel a c'u'x chwe!

Ucab Samuel 22:48

Are' Dios wa' ri yowinak rajil c'axelal chwe e u jachom c'u tak ri tinimit pa nu k'ab.

Salmib 94:1

¡C'utu' ib la, Ajawaxel, Dios ri quebuya' rajil c'axelal!

Ri Lucax 23:42

Te c'u ri xubij: “Jesus, chinnataj che la aretak lal c'o chic pa ri ajawibal la.”

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Romanos 14:21

Are utz na ri man u tijic ta ti'j, mawi ruq'uiaxic u wa'l uva, mawi caban ta jun jasach ri cuchak'ij ta wi rib ri awachalal.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Nabe Samuel 24:15

Rumal c'u ri', are ta ba' ri Ajawaxel chrila' chuk'ata' c'u tzij pakawi' ka cabichal; ¡are' ba' ri are' chnic'on ri cätajin quinc'ulmaj, chinuto' c'u pa k'ab la!”

Nabe Samuel 25:30

Je c'u ri' aretak ri Ajawaxel cutz'akatisaj ronojel ri utzil ri u yo'm u bixic che ri c'aslemal la, chcoj c'u la rumal che c'amal u be ri Israel,

Nabe Samuel 25:33

at ba' tewichitalic rumal ri utzalaj a chomanic, rumal rech chi xinak'atij camic, chi quinopan ta che u tixic quic', xinban ta ri nu k'atan tzij pa we wi cumal ri nu k'ab.

Nabe Samuel 25:40

Aretak xebopan ri u tako'n ri David pa Carmel che u ch'abexic ri Abigail, xquibij che: “Ri David xujutak ulok che u bixic che la, chi ri are' are craj cux la rixokil.”

Nabe Samuel 26:23

are ta ba' ri Ajawaxel chyo'w rajil u q'uexel chque chquijujunal ri u suq'uilal xukuje' ri u jicomal. Pune' are' ri Ajawaxel xjachow la pa nu k'ab camic, man xwaj taj xinwalijisaj ri nu k'ab chrij ri Ajawinel ri cha'tajinak rumal are'.