Nabe Samuel 25:29 - Quiché Bible

²⁹ We c'o jachin cutzucuj cämisaxic la, ri c'aslemal la chajital rumal ri Ajawaxel. E are c'u ri e c'ulel la, quebusumumej na jacha' ri u q'uiakic jun abaj rumal jun iquiak'.

Nabe Samuel 25:29 ပူးပေါင်းရင်းမြစ်များ

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Ucab Samuel 4:8

Che u jachic che ri David, ri c'o pa Hebron. Xquibij che ri ajawinel: “Kac'amom ulok ri u jolom ri Is-boset ri u c'ojol ri Saul, ri cac'ulelax la rumal ri are ta xraj xcämisax ta la rumal. Are c'u ri camic ri Ajawaxel u yo'm che la chi xch'äcan la puwi' ri Saul xukuje' paquiwi' ri e u c'ojol.”

Ri Job 27:22

man ruc' ta tok'obisan wächaj cäpe na puwi', pune' cutzucuj u to'ic rib.

Salmib 116:15

Sibalaj c'ax cuna' ri Ajawaxel aretak querilo quecäm ri quelok'ok'enic.

Salmib 54:3

winak ri e banal tak nimal, xukuje' e ch'ujab qui yacom quib chwij cäcaj quinquicämisaj. ¡Man natal ta ri Dios chque!

Salmib 66:9

Rumal rech chi u yo'm ka c'aslemal; man u yo'm ta chke chi cujtzakic.

Ri Jeremiy 10:18

Rumal rech chi cubij ri Ajawaxel: ‘Che we jumul ri' naj quebenq'uiak wi ri e u winakil tak we ulew ri'. Quebencoj pa tak latz', che rilic we ruc' wa' quinquiriko.’

Ri Malaquiy 3:17

Ri Ajawaxel ri c'o ronojel u cuinem je cubij wa': “Cätajin quincolomaj jun k'ij aretak ri e are quebux chi na nu tinimit. Jacha' jun tataxel ri quel u c'u'x che ri u cojol ri capatanix rumal, je u tok'obisaxic qui wäch wa' quinban na.

Ri Xuan 14:19

Xa jubik' chic, ri winak aj uwächulew man quinquil ta chic. Are c'u ri ix kas quiniwil wi. Rumal rech chi in c'aslic, ri ix xukuje' quixc'asi' na.

Ri Xuan 17:21

rech conojel xa' e jun. Jas ri lal, Tat, ri lal c'o la wuc' in, xukuje' ri in in c'o uc' la, rech xukuje' ri e are' e c'o kuc' uj, rech ri winak aj uwächulew cäquicojo chi ri lal xintakow la ulok.

Ri Xuan 17:23

Ri in in c'o cuc' are', xukuje' ri lal lal c'o wuc' in, rech kas quebux xa' e jun, rech ri winak aj uwächulew cäquetamaj chi lal xintakow la ulok, cäquetamaj chi e lok'ok'em la je jas ri nu lok'ok'exic umal la.

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.