Nabe Samuel 25:23 - Quiché Bible

²³ Ri Abigail xuwi xril apan ri David, xkaj chrij ri bur xumej rib c'a cho ri ulew che u c'utic chi nim caril wi.

Nabe Samuel 25:23 ပူးပေါင်းရင်းမြစ်များ

Ucab Samuel 1:2

Churox c'u k'ij xopan jun achi ri elinak ulok pa ri kajebal chquixo'l ri rajch'ojab ri Saul. E jisjobinak ri ratz'iak chrij ri u q'uiakom ulew pa u jolom che u c'utic chi c'axc'obinak ri ranima'. Aretak xopan chuwäch ri David, xumej rib c'ä cho ri ulew che u c'utic chi nim caril wi ri David.

Ucab Samuel 14:4

Xuwi c'u xbitaj bic che ri ixok rumal ri Joab ri cubij na che ri ajawinel, we ixok ri' ri aj Teco xoc chuwäch ri ajawinel, xumej c'u rib chuwäch c'a xuya' na ri u palaj cho ri ulew che u ya'ic u k'ij xubij c'ut: “¡Chel c'u'x la che nu to'ic!”

Ucab Samuel 18:28

Xnakajin c'u ri Ahimaas, xupachba' c'u rib c'a cho ri ulew chuwäch ri ajawinel, xuya' rutzil u wäch xubij' c'ut: “Tewichital ri Ajawaxel, ri Dios la, rumal rech chi e resam ri qui walijisam tak quib chi'j la.”

Ucab Samuel 9:6

aretak c'u ri Mepi-boset, u c'ojol ri Jonatan ri' u mam ri Saul, xopan chuwäch ri David. Xumej rib che u c'utic chi nim cäril wi. “¡Mepi-boset!” xcha' ri David. “In c'o chuxe' ri takanic la.” Xcha' ri Mepi-boset che ri ajawinel.

Nabe Tzijobelil 21:21

Aretak xkeb ri David jawije' ri c'o wi ri Ornan, xca'y wa', aretak c'u xril ri David xel ulok pa ri c'olbal ri cätajin cuyak' wi ri trico xumej c'u rib chuwäch ri David.

Ri Josue 15:18

Aretak c'u benam cuban cho rachoch, ri Otoniel, ri Otoniel xucoj u c'u'x ri Acsa chi chutz'onoj che ri u tat ulew re ticonijibal. Xkaj c'ut ri Acsa chrij ri bur, ri Caleb xuban we c'otoj chi'aj ri' che: “¿Jas ri cajwataj chawe?

K'atal tak Tzij 1:14

Aretak c'u xopan ri Acsa, ri Otoniel xucoj u c'u'x rech cuta' jun ulew che ri u tat. Aretak xril ri Caleb chi ri u mia'l cätajin cäkaj chrij ri bur, xuc'ot u chi': “¿Jas xac'ulmaj?”

Ri Rut 2:10

Ri Rut xumej rib c'ä cho ri ulew che u c'utic chi c'o u q'uixbal, xuban c'ut we c'otoj chi'aj ri' che ri Booz: “¿Jas ri banowinak chi nu rikom ri tok'obisabal wächaj chwäch la, cäban c'u la utzil chwe, man c'u ne in ta aj waral?”

Nabe Samuel 20:41

Xuwi c'u xbe ri pataninel, ri David xel ulok chrij ri jumulaj abaj, aretak c'o chic chuwäch ri Jonatan oxmul xumej rib c'ä xuya' ri u palaj cho ri ulew. Xquitz'umala' c'u quib xukuje' xebok' junam c'ä xq'uistaj na u c'u'x ri David.

Nabe Samuel 24:8

Xteri' chi c'u ulok ri David chrij xel ulok pa ri pec, xurak c'u u chi' che, xubij: “¡Wajaw, ajawinel!” Xca'y c'u ri Saul chrij, are c'u ri David xumej rib c'ä cho ri ulew che u c'utic chi nim caril wi ri Saul,

Nabe Samuel 25:24

Xutzak rib chuwäch, xubij c'u che: “Chi ri chak'maquil, wajaw, chkaj panuwi'. Quintz'onoj jun tok'ob che la chi chintzijon ta' na jubik' uc' la, ta' na la ri quinbij na che la.

Nabe Samuel 25:41

Ri Abigail xumej rib c'ä cho ri ulew, che u ya'ic u k'ij, xutzelej c'u u bixic: “Ri in xa in apachique pataninel rech ri David, are c'u nu patan ri qui ch'ajic ri cakan ri u pataninelab, we je cubij wa' chwe.”