Nabe Samuel 25:16 - Quiché Bible

¹⁶ Xa c'u ne xujquichajij chi pa k'ij chi chak'ab ri uj xukuje' tak ri e ka chij.

Nabe Samuel 25:16 ပူးပေါင်းရင်းမြစ်များ

Ri Job 1:10

Ri at man caya' ta c'olbal chi c'o ta jachin cächapowic, mawi ri are' mawi ri e ralc'ual mawi ri jastak rech; ri at catewichi'j ronojel ri cubano, are' c'u achi wa' ri sibalaj k'inom ri e c'o q'uialaj rawaj pa ronojel ri ulew chila'.

Elem 14:22

Ri aj israelib xeboc'ow pa chaki'j ulew chupam ri plo, chquixo'l quieb tapia re ja', jun pa qui wiquiak'ab, jun pa qui mox k'ab.

Ri Jeremiy 15:20

In quinban na chi chatux che we tinimit ri' jacha' jun tapia re k'an ch'ich', ri man cäban ta cuinem che u ch'äquic. Quech'ojin na awuc' man c'u quecuin ta che a ch'äquic, in c'o c'ut awuc' che a colic xukuje' che a toric. In, ri Ajawaxel, quinya' nu tzij.

Ri Zacariy 2:5

Are' c'u ri Ajawaxel cajiquiban u bixic: In quinux na jacha' ta ne jun nimalaj tapia re k'ak' ri cusutij rij ri Jerusalen, pa u niq'uiajil c'ut ri tinimit quinc'ut wi na ri nu juluwem.’ ”

Nabe Samuel 25:17

Are c'u ri achajil la sibalaj man utz ta cäno'jinic mawi c'u ne cuya' cach'äbexic, chomaj ba la xukuje' jachique ri rajawaxic cäban la, kas c'u jic c'o ri c'ax ri cäpe na puwi' ri are' xukuje' paquiwi' conojel ri e rachalal.”