Nabe Samuel 24:7 - Quiché Bible

⁷ Je xuban wa' ri David che qui k'ilic ri rachijab man xuya' ta c'u chque chi caquitzak ta qui k'ab che u banic c'ax che ri Saul, ri xel ulok pa ri pec xutakej c'u ri u be.

Nabe Samuel 24:7 ပူးပေါင်းရင်းမြစ်များ

Ucab Samuel 1:14

“¿Jas c'u che xachajij anima' xawalijisaj ri a k'ab che u cämisaxic ri ajawinel ri cha'om rumal ri Ajawaxel?” Xcha' ri David,

Salmib 7:4

¿La xa nu yo'm itzel rajil c'axelal che ri u banom utzilal chwe? ¿La xa pu xak lok' nu banom c'ax che ri u banom u c'ulel chwe?

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Nabe Samuel 12:3

in c'o c'u chiwäch camic: we nu c'amom ri u wacax o ri u bur jachin jun chiwe, o nu banom c'ax o nu yok'om jachin jun chiwe, o we xak ja'e chwe banom u pa nu k'ab iwumal, quixcuinic quinitzujuj chuwäch ri Ajawaxel xukuje' chuwäch ri ajawinel ri cha'om rumal ri Dios, quintoj c'u na ri nu c'as ri c'olic.”

Nabe Samuel 24:6

xubij c'u chque ri rachijab: “¡Ri Ajawaxel chuya' ri to'banic chwe rech man quinwalijisaj ta ri k'ab che u banic c'ax che ri wajaw ri ajawinel! ¡Are' c'ut ri Ajawaxel chowinak!”

Nabe Samuel 24:8

Xteri' chi c'u ulok ri David chrij xel ulok pa ri pec, xurak c'u u chi' che, xubij: “¡Wajaw, ajawinel!” Xca'y c'u ri Saul chrij, are c'u ri David xumej rib c'ä cho ri ulew che u c'utic chi nim caril wi ri Saul,

Nabe Samuel 25:33

at ba' tewichitalic rumal ri utzalaj a chomanic, rumal rech chi xinak'atij camic, chi quinopan ta che u tixic quic', xinban ta ri nu k'atan tzij pa we wi cumal ri nu k'ab.

Nabe Samuel 26:23

are ta ba' ri Ajawaxel chyo'w rajil u q'uexel chque chquijujunal ri u suq'uilal xukuje' ri u jicomal. Pune' are' ri Ajawaxel xjachow la pa nu k'ab camic, man xwaj taj xinwalijisaj ri nu k'ab chrij ri Ajawinel ri cha'tajinak rumal are'.

Nabe Samuel 26:9

Ri David xutzelej u bixic che: “Macämisaj man c'o ta jun ri curayij ta u cämisaxic ri cha'om rumal ri Ajawaxel ri ma ta cäc'äjisax u wäch.