Nabe Samuel 22:18 - Quiché Bible

¹⁸ Rumal c'u ri', ri ajawinel xutak ri Doeg, ri aj edom, xubij che: “Chebacämisaj at.” Xuchap c'u qui cämisaxic ri e cojol tabal tak tok'ob, pa ri k'ij ri' xecämisax jumuch' job (85) achijab ri qui cojom ri atz'iak nim u k'ij re lino chquij.

Nabe Samuel 22:18 ပူးပေါင်းရင်းမြစ်များ

Ucab Tzijobelil 24:21

Xquijunamaj c'u qui tzij che u banic c'ax che, xequibuc'uj che abaj rumal ri u takanic ri ajawinel cho ri uwo ja rech ri rachoch ri Ajawaxel.

Salmib 78:64

Ri e cojol ri tabal tok'ob xecäm pa u chi' ch'ich' re ch'o'j, man xok'ex ta qui wäch cumal ri e qui malca'nib.

Elem 28:40

Chabana' qui pam atz'iak chque ri e u c'ojol ri Aaron, qui pas, xukuje' pisbal jolomaj che u ya'ic qui k'ij xukuje' rech je'l quebilitajic.

E C'ambal tak Tzij 24:15

Mebaban itzel tak chomanic che jun winak tz'akatisanel pa ronojel mawi matijtobej u yojixic ri ja ri c'o wi,

Ri Osey 5:11

Ri Eprain mejmobinak, c'o c'äjisabal wächaj puwi', u mac rech ri benam chquij ri e subunelab tak diosib.

Ri Osey 7:3

“Ruc' ri retzelal xukuje' ri e u banoj tak tzij ri nu tinimit cuquicotisaj ri ajawinel xukuje' ri e c'amal tak be.

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”

Ri Soponiy 3:3

Ri e c'amal tak qui be xak e junam cuc' tak ri coj ri quewu'nic; ri e qui k'atal tzij xak e junam cuc' tak ri utiw ri e c'o pa ri chaki'j uwo sak ri man c'o ta jun bak ri caquiya' ta can che re chwek.

Nabe Samuel 2:18

Are c'u ri ala Samuel, u cojom jun atz'iak nim u k'ij re lino, u takem pataninic chuwäch ri Ajawaxel.

Nabe Samuel 2:28

Xebencha' c'u chquixo'l conojel ri camak' ri aj Israel rech quebux na e nu cojol tabal tok'ob, rech quequichi'j tabal tak tok'ob ri quechajirisaxic puwi' ri nu porobal, xukuje' quequiporoj c'u na c'oc' k'ol, caquicoj ri catz'iak ri nim u k'ij chnuwäch. Xinya' c'u xukuje' chque ri e i mam conojel tak ri sipanic ri quequiporoj tak ri aj israelib che u ya'ic u k'ij ri Ajawaxel.

Nabe Samuel 2:36

Apachin ta c'u ne ri cäc'asi can chque ri awachalaxic cäpe na culumeja' na rib chuwäch che u tz'onoxic jun u puak re sak puak o juba' u caxlanwa, cutz'onoj tok'ob che chi chuya' jun u chac chquixo'l ri e cojol tabal tok'ob che u ch'äquic ri cutijo.’ ”