Nabe Samuel 20:8 - Quiché Bible

⁸ Chabana' ba we tok'ob ri' chwe, in c'u ya' pataninel awech, ka banom ri chi'nic ri kas cäban na chuwäch ri Ajawaxel chi cakaj kib. Are c'u ri camic, we in ri c'o nu mac, chinacämisaj at. Man rajawaxic taj quinac'am bic chuwäch ri a tat.”

Nabe Samuel 20:8 ပူးပေါင်းရင်းမြစ်များ

Chapletajic 24:49

Bij ba' alak chwe camic we caj alak caban alak utzil ruc' ri wajaw Abraham we man cuban quieb c'u'x alak, we c'u man je chech alak, bij alak chwe, rech quinwetamaj jas quinbano.”

Chapletajic 47:29

Aretak xuna' ri Jacob chi xa co'l man cäcämic, xutak u siq'uixic ri Jose ri u c'ojol, xubij che: “We kas cawaj cäban tok'ob chwe, chacojo' ri ak'ab chuxe' ri wa' chabana' ri chi'nic ri kas cäban na chwe chi cäban ri tok'ob ri quintz'onoj chawe. ¡Chabana' tok'ob, minamuk can waral pa Ejipt!

Ucab Samuel 14:32

Ri Absalon xutzelej u bixic che: “Xintak u bixic chawe chi catpet wuc' waral, che atakic bic ruc' ri ajawinel, che u bixic che: jas u patan xinel ulok pa Jesur; are ta c'u utz na chwe we ta xincanaj chila'. Are c'u quinwaj quinwil u wäch ri ajawinel, we c'u c'o nu mac chuwäch chi nu cämisaj.”

Nabe Tzijobelil 12:17

Ri David xel ulok che qui c'ulaxic xubij c'u chque: “We ix petinak che nu to'ic pa jamaril, ruc' ronojel wanima' quixinc'amo rech cäkaban xa' jun iwuc'; we c'u ix petinak che nu subic xa' rech quinijach pa qui k'ab ri e nu c'ulel, man c'o ta c'u ne jun il nu banom, ¡are' ba' ri qui Dios ri e ka mam chilowak chuc'äjisaj c'u i wäch!”

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

E C'ambal tak Tzij 3:3

Mawi jubik' matzak can ri lok'ok'ebal c'uxaj, xukuje ri kastzij; chebac'ama' bic awuc' jacha' cäban che jun chachal. Chebatz'ibaj pa ri a chomabal,

Hechos 25:11

We ta c'u c'o etzelal nu banom, o we ta nu banom jun jasach rech takal chwe chi quincämisaxic, man quinwesaj ta wib pa ri cämical; we c'u man kastzij ri quinquitzujuj wi, man c'o ta jun cäcuin ta che nu jachic pa qui k'ab. Quintz'onoj chi quintak la bic chuwäch ri nimalaj k'atal tzij Sesar.”

Ri Josue 2:14

Ri achijab xquitzelej u bixic che: “Cakajach na ri ka c'aslemal che qui q'uexwäch ri i c'aslemal, xuwi ta ne we man cawesaj ka tzijol. Aretak ri Ajawaxel u yo'm chic we ulew ri' chke, uj cakaban na utzil chawe ruc' tz'akatil.”

Ri Josue 22:22

“Ri Ajawaxel xukuje' Dios paquiwi' conojel ri cäbix diosib chque reta'm chi man xkaban ta we porobal ri' che ta walijisam ib mawi che ta u tasic kib chrij. Ri are' reta'm xukuje' cuya' retamaxic chiwe iwonojel; we cumal tak we jastak ri'. ¡Cujicämisaj!

Ri Rut 1:8

xubij c'u chque pa ri be: “Jix chixtzelej cho iwachoch, ruc' ri i nan. Are c'u ri Ajawaxel amak'el cuban na utzil chiwe, jacha', ri xiban chwe xukuje' chque ri wal,

Nabe Samuel 18:1

Aretak c'u xuq'uis tzijonem ri David ruc' ri Saul, ri Jonatan sibalaj xbe ranima' ruc' ri David, sibalaj nim ri u lok'al chuwäch je ta ne ri are' chbil rib.

Nabe Samuel 18:3

Ri Jonatan xukuje' ri David junalic chi'nic ri kas cäkaban na xecha' chi cacaj quib, are' c'u ri Jonatan sibalaj xulok'ok'ej ri David jacha' ri kas are' chbil rib.

Nabe Samuel 20:9

Xutzelej c'u u bixic ri Jonatan: “¡Machomaj we jasach ri'! We quinwetamaj chi ri nu tat u yo'm u tzij che u banic etzelal chawe, quinya' na u bixic chawe.”

Nabe Samuel 23:18

Qui cabichal c'ut xquiban jun c'ulwächinic chquixo'l, xquicoj c'u ri Ajawaxel che k'alajisanel. Xuwi c'u xbantaj wa' cumal ri Jonatan xtzelej cho rachoch, are c'u ri David xcanaj can pa Hors.