Nabe Samuel 20:41 - Quiché Bible

⁴¹ Xuwi c'u xbe ri pataninel, ri David xel ulok chrij ri jumulaj abaj, aretak c'o chic chuwäch ri Jonatan oxmul xumej rib c'ä xuya' ri u palaj cho ri ulew. Xquitz'umala' c'u quib xukuje' xebok' junam c'ä xq'uistaj na u c'u'x ri David.

Nabe Samuel 20:41 ပူးပေါင်းရင်းမြစ်များ

Chapletajic 29:11

xuya' rutzil u wäch xutz'umaj ri u palaj ri Raquel, xok' ri Jacob.

Chapletajic 29:13

Aretak ri Laban xuta' u tzijol chi ri Jacob, ral ri rana'b, aninak xbe che u c'ulaxic, xulak'apuj, xuya' rutzil u wäch, xutz'umaj ri u palaj, xuc'am bic cho rachoch. Aretak e c'o chi pa ja, ri Jacob xutzijoj che ri Laban ronojel ri u c'ulmam,

Chapletajic 33:4

Xxiq'uin c'u ri Esau che u c'ulaxic ri Jacob; xulak'apuj chrij u wi', xutz'umaj ri u palaj, e quieb xebok'ic.

Chapletajic 42:6

Ri Jose are' ri takanel puwi' ri ulew, xukuje' are cäc'ayin ri trico chque conojel ri winak ri quepe pa ronojel c'olbal. Aretak xebopan ri rachalal chuwäch, xexuquic xquimej quib chuwäch.

Chapletajic 43:28

Ri e are' xquimej quib, xquibij c'u che: “Ri ka tat, pataninel ech la, utz u wäch c'ä c'aslic.”

Chapletajic 45:15

Ri Jose xebutz'umaj conojel ri rachalal. Xebulak'apula' chquijujunal, xrok'ej qui wäch. C'ä te' ri' xel ri xe'n ib chque xetzijon ruc'.

Ucab Samuel 1:2

Churox c'u k'ij xopan jun achi ri elinak ulok pa ri kajebal chquixo'l ri rajch'ojab ri Saul. E jisjobinak ri ratz'iak chrij ri u q'uiakom ulew pa u jolom che u c'utic chi c'axc'obinak ri ranima'. Aretak xopan chuwäch ri David, xumej rib c'ä cho ri ulew che u c'utic chi nim caril wi ri David.

Ucab Samuel 1:26

¡In c'axc'obinak rumal awech, Jonatan, wachalal! ¡Sibalaj qui' xux ri a c'aslemal chwe, nimalaj qui'al chwe! Ri nu lok'ok'exic awumal xoc'ow na chuwäch ri qui lok'ok'exic ri ixokib.

Ucab Samuel 14:4

Xuwi c'u xbitaj bic che ri ixok rumal ri Joab ri cubij na che ri ajawinel, we ixok ri' ri aj Teco xoc chuwäch ri ajawinel, xumej c'u rib chuwäch c'a xuya' na ri u palaj cho ri ulew che u ya'ic u k'ij xubij c'ut: “¡Chel c'u'x la che nu to'ic!”

Ucab Samuel 19:39

Conojel ri winak xquiramij pa ri Jordan. Aretak c'u ramatajinak rumal ri ajawinel, xutz'umaj ri Barzilay che u jachic bic. Xtzelej c'u ri Barzilay pa ri c'olbal ri jekel wi.

Ucab Samuel 9:6

aretak c'u ri Mepi-boset, u c'ojol ri Jonatan ri' u mam ri Saul, xopan chuwäch ri David. Xumej rib che u c'utic chi nim cäril wi. “¡Mepi-boset!” xcha' ri David. “In c'o chuxe' ri takanic la.” Xcha' ri Mepi-boset che ri ajawinel.

Nabe Ajawinelab 1:16

Ri Betsabe xumej rib chuwäch ri ajawinel c'a xukasaj ri u palaj cho ri ulew, ri ajawinel xuc'ot u chi', xubij che: “¿Jas xac'ulmaj?”

Nabe Ajawinelab 1:23

xya' c'u u bixic che ri ajawinel. Aretak xoc ri k'axal tzij chuwäch ri ajawinel, xumej rib chuwäch ri ajawinel c'a xuya' ri u palaj cho ri ulew,

Nabe Ajawinelab 1:31

Ri Betsabe xumej rib chuwäch ri ajawinel c'a xuya' na ri u palaj cho ri ulew, co c'ut xch'awic, xubij: “¡Chc'asal ri wajaw amak'el ri ajawinel David!”

Hechos 20:37

Conojel c'ut sibalaj xebok'ic. Xquilak'apuj ri Pawl, xquitz'umaj.

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit:

Nabe Samuel 18:3

Ri Jonatan xukuje' ri David junalic chi'nic ri kas cäkaban na xecha' chi cacaj quib, are' c'u ri Jonatan sibalaj xulok'ok'ej ri David jacha' ri kas are' chbil rib.

Nabe Samuel 20:40

Xujach c'u bic ri Jonatan ri e u ch'ojibal pu k'ab ri pataninel, xubij che chi chebuc'ama' bic pa ri tinimit.

Nabe Samuel 24:9

xubij che: “¿Jasche wajaw ajawinel cäya' xiquin la chque ri tzij ri quebixic chi ri in quintzucuj u banic c'ax che la?

Nabe Samuel 25:23

Ri Abigail xuwi xril apan ri David, xkaj chrij ri bur xumej rib c'a cho ri ulew che u c'utic chi nim caril wi.