Nabe Samuel 2:6 - Quiché Bible

⁶ Ri Ajawaxel caresaj ri c'aslemal xukuje' cuya'o; cujukasaj pa ri mukubal cuban c'ut chi cujpaki ulok.

Nabe Samuel 2:6 ပူးပေါင်းရင်းမြစ်များ

Nabe Ajawinelab 17:22

Ri Ajawaxel xuc'amowaj ri u bochi'nic ri Eliy, xuban c'ut chi xc'astaj ri alaj ala.

Ucab Ajawinelab 5:7

Aretak ri ajawinel pa Israel xusiq'uij ri wuj, xujis ri ratz'iak che u c'utic chi man utz ta xuto xubij c'ut: “¿La xa' pu in Dios, chi quiya' c'aslemal xukuje' quinwesaj rech cutak ulok chwe jun achi rech quincunaj che ri u ch'a'c? ¡Kas chiwila' quiwil c'u na' chi cätajin cutzucuj jas cuban che u tzucuxic ch'o'j wuc'!”

Ri Job 5:18

We ri are' cuban jun soconic, ri are' xukuje' cubotz' na; we ruc' ri u k'ab cuban ri soconic, xukuje' are' ruc' ri u k'ab cucunaj na.

Salmib 116:3

Ri cämical xinuralij chquipam tak ri u colob; ri u c'axc'olil ri mukubal xinuriko, xinximitaj rumal ri xe'n ib xukuje' ri k'oxomal.

Salmib 30:4

Ix ri ix jic chuwäch ri Ajawaxel, ¡chebibixoj bix che, chi k'ijilaj ri tastalicalaj u bi'!

Salmib 68:20

Ri ka Dios, are jun Dios ri cäcolonic, ri xukuje' cäcuinic cujresaj pa u k'ab ri cämical.

Salmib 71:20

Pune' banom la chwe chi e wilom e q'ui c'axc'olil xukuje' rikoj tak c'ax, banom la chwe chi in c'aslic; quinwalijisaj c'u na la chuxe' ri u najil ri u pam ri ulew,

Ri Tzijonel 3:3

Jun jok'otaj che cämisanic, jun jok'otaj chic che cunanic. Jun jok'otaj che yojinic, jun jok'otaj chic che yacanic.

Ri Isaiy 26:19

E are c'u ri cäminak la quec'asi' chi na, ri e qui bakil quec'astaj na. Ri quewar chupam ri ulew quec'asutaj na cäquirak na qui chi' ruc' quicotemal. Cätak c'u la ulok ri sakil la jacha' ri räx k'ab e are' tak c'ut ri cäminakib queq'uiy chi na chupam ri ulew.

Ri Ezequiel 37:12

Je ba' ri', chebach'abej pa ri nu bi', chabij c'u chque: ‘Are wa' cubij ri Ajawaxel: Nu tinimit quebenjaka' tak ri ix mukutal wi; quixinwesaj ulok chquipam quinban chiwe chi quixtzelej pa ri ulew Israel.

Ri Ezequiel 37:3

Xubij c'u chwe: “¿La cacojo at chi we bak ri' quecuinic cac'oji' chi qui c'aslemal jumul?” In xintzelej u bixic che: “Ajawaxel, xuwi ri lal lal etamaninak.”

Ri Matey 12:40

Je jas ri Jonas xc'oji' chupam ri nimalaj cär oxib k'ij oxib ak'ab, jeri' ri Rija'l winak cäc'oji' na pa ri ulew oxib k'ij oxib ak'ab.

Ri Xuan 11:25

Ri Jesus xubij che: “In ri' ri c'astajibal xukuje' ri c'aslemal. Jachin ri cäcojon chwe in, pune' cacämic, cäc'asi na.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

Nabe Samuel 20:3

Xutakej c'u u bixic ri David: “Ri a tat kas reta'm chi quel a c'u'x chwe, man craj ta c'u ri' chi cawetamaj rech man cäpe ta awoyowal. ¡Quinban ri chi'nic ri kas cäban na quincha' chawe pa ri u bi' ri Ajawaxel xukuje' pa ri a bi' at chi man cäbeytaj taj ri nu cämisaxic!”