Nabe Samuel 2:30 - Quiché Bible

³⁰ Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Nabe Samuel 2:30 ပူးပေါင်းရင်းမြစ်များ

Nabe Ajawinelab 11:11

Xubij c'ut ri Ajawaxel che ri Salomon: “Rumal rech chi je a banom wa', man a tz'akatisam ta ri c'ulwächinic xukuje' tak ri pixab ri xatintak che qui banic, quinwesaj ri ajawibal chawe, quinya' c'u che jun chque ri pataninel tak awech.

Nabe Ajawinelab 2:27

Je xuban ri Salomon wa' che resaxic ri Abiatar che cojol tabal tok'ob chuwäch ri Ajawaxel, je u tz'akatisaxic wa' ri u bim can ri Ajawaxel pa Sil chrij ri rija'lil ri Eli.

Nabe Tzijobelil 17:18

¿Jas ta chic ri quincuin ta chic che u bixic che ri nimarisabal k'ij ri banom la che ri pataninel ech la, xa' c'u ne ri lal eta'm la u wäch we pataninel ech la ri'?

Ucab Tzijobelil 15:2

xel bic che u c'ulaxic ri As che u bixic che: “¡Chintabej la, As, xukuje' conojel ri aj Juda xukuje' ri aj Benjamin! Ri Ajawaxel c'o uc' alak, we c'o alak ruc'. We c'u cäya' can alak, cärik na alak; we c'u catzakan alak, xukuje' ri are' cäya' can alak rumal.

Ucab Tzijobelil 26:18

ri xquitac'aba' quib chuwäch ri ajawinel xquibij c'u che: “Ajawinel Uziy, ri u chi'xic c'oc' k'ol chuwäch ri Ajawaxel man ya'tal ta u banic umal la, xane' cumal ri e cojol tabal tok'ob ri e rija'l ri Aaron, ri e tastal che u banic. Chel la bic chupam ri k'ijilabal, banom c'u la jun jech'balil chuwäch ri Ajawaxel, ri Dios man cunimarisaj ta na k'ij la rumal wa'.”

Salmib 18:20

Ri Ajawaxel u yo'm ri tojbal wech ri takal che ri ch'ajch'ojalaj nu c'aslemal,

Salmib 18:26

jic anima' la ruc' ri jic ranima', c'o c'u na no'jibal la chuwäch ri c'o u no'jibal.

Salmib 50:23

Ri cuchi'j ri u maltioxinic chwe, cunimarisaj nu k'ij. ¡In quinto'tajisaj ri cäjeki' pa ri nu be!”

Salmib 73:20

Aretak ri lal, Ajawaxel, cäwalij la, jacha' ri aretak cac'astaj jun che jun waram, cäxutuj c'u la ri subunelalaj u wächbal.

Salmib 91:14

“Ri in quinto' na, quinwesaj na pa qui k'ab conojel, rumal rech chi ri are' quinulok'ok'ej cuch'ob c'u nu wäch.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Elem 28:43

Cucoj c'u ri Aaron xukuje' ri e u c'ojol aretak queboc pa ri k'ijilabal, o aretak quekeb chunakaj ri porobal che ri patanijic pa ri Lic'om Rachoch Dios re rikoj ib, rech man c'o ta mac cäriktaj chquij ri quecäm ta rumal. Pixab wa' ri cäcanaj che ri are' xukuje' chque ri e u rija'lil.”

Elem 29:9

Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

E C'ambal tak Tzij 12:8

Ri winak cäya' u k'ij jas ri u cholajil ri u c'oxomanic, are' c'u ri con xuwi takal ri etzelam wächaj che.

E C'ambal tak Tzij 4:8

Chalok'ok'ej cunimarisaj c'u na a k'ij: chalak'apuj, nim c'u catril wi na;

E C'ambal tak Tzij 8:17

In quebenlok'ok'ej ri quinquilok'ok'ej, xukuje' ri quetzucun chwe quinquiriko.

Ri Isaiy 29:13

Ri Ajawaxel xubij chwe: “We tinimit ri' xak caquitzijoj chi quinquipatanij cäquiya' c'u nu k'ij xak ruc' ri qui chi' naj c'u c'o wi ri canima' chwe, ri k'ijilanic ri cäquiya' chwe xak winak e chomaninak, quicojom c'u pa qui jolom.

Ri Jeremiy 29:32

in, ri Ajawaxel, quinbij chi quenc'äjisaj u wäch ri Semaiy xukuje' ri rija'lil. Man quecanaj ta rija'lil chupam ri nu tinimit, mawi curik ta na rech ri utzil ri quenya' na che ri nu tinimit, rumal c'u rech chi cumal tak ri e u tzij xuc'am bic che nu c'ulelaxic. In, ri Ajawaxel, quinjiquiba' u bixic.”

Ri Jeremiy 49:15

In quinban na chawe chi catux na sibalaj ch'utin chquixo'l tak ri tinimit, ri sibalaj etzelam u wäch chquixo'l tak ri winak.

Ri Ezequiel 34:10

chi in, ri Ajawaxel, ri quinya' u bixic chiwe: Ajyuk'ab, in quink'alajisaj wib chi at nu c'ulel chiwe, quebentokij c'ut ri e nu chij pa i k'ab; quinwesaj ri qui chajixic pa i k'ab, rech man quitakej ta qui chajixic iwib pa iwech wi; quinto' na qui wi' tak ri e nu chij, rech man quebitakej ta qui tijic.’ ”

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

Ri Malaquiy 2:3

“Quenwesaj ri takanic pa i k'ab quenq'uiaka' ri qui mes ri awaj chi palaj ri quebic'am ulok che tabal tak tok'ob. ¡Junam c'ut xukuje' ruc' ri qui mes ri awaj, xukuje' ri ix quixmes na bic!

Ajilanic 11:20

Jun ic' cäbeytaj na u tijic ri ti'j cumal, c'ä quebel na ulok pa tak qui tza'm chuya' c'u muluj c'uxaj chque, rumal rech chi in qui xutum in, ri Ajawaxel, ri in c'o pa qui niq'uiajil, e ok'inak quibim c'ut chnuwäch in: ‘¿Jasche xujel ulok pa Ejipt?’ ”

Ajilanic 35:34

Miwawasij ri ulew ri quixxejekel wi na ri xukuje' quinejekel wi na, in c'ut ri Ajawaxel, in jekel chquixo'l ri aj israelib.”

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

Ri Xuan 5:23

rech conojel nim cäquil wi ri C'ojolaxel jas ri nim cäquil wi ri Tataxel. Apachin ri man nim ta cäril wi ri C'ojolaxel, xukuje' man nim ta cäril wi ri' ri Tataxel ri xtakow ulok.

Ri Xuan 5:44

¿Jas ta ri quibano quixcojonic, xuwi quic'amala c'u u nimarisalaxic i k'ij, man are ta quixoc il che u tzucuxic nimarisabal k'ij ri xuwi ruc' ri Dios cäpe wi?

Ri Xuan 8:49

Ri Jesus xubij chque: “Man c'o ta itzel uxlabal chwe. Xane' ri in nim quinwil wi ri nu Tat. Are c'u ri ix man nim ta quiniwil wi.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

K'atal tak Tzij 9:10

E are c'u ri che' xquitz'onoj che ri u che'al higo chi chux cajawinel.