Nabe Samuel 2:29 - Quiché Bible

²⁹ ¿Jas che man nim ta quebiwil wi ri tabal tak tok'ob xukuje' tak ri sipanic ri nu yo'm takanic chi quebanic? ¿Jasche are nim quebawil ri a c'ojol chnuwäch in, cätajin quebak'obisaj ruc' ri quitijic conojel ri qui sipanic ri e utz na ri quequiya' ri aj israelib ri nu tinimit?

Nabe Samuel 2:29 ပူးပေါင်းရင်းမြစ်များ

Ucab Ajawinelab 12:6

Xtz'akat c'u juwinak oxib junab ri rajawinic ri Joas, ri e cojol tabal tok'ob man qui c'ojom taj ri rachoch ri Dios.

Salmib 26:8

Ajawaxel, in quinlok'ok'ej ri achoch la ri lal c'o wi, ri c'olbal jawije' jekel wi ri juluwem la.

Ri Ezequiel 13:19

Ri ix rumal jutak muk' sebad xukuje' jutak ba' wa', qui wesaj nu q'uixbal chuwäch ri nu tinimit; qui cämisaj winak ri man ya'tal ta che cacämic, qui c'asba' c'u winak ri man ya'tal ta che cäc'asi'c. Je u subic wa' ri nu tinimit qui bano, ri cuya' u xiquin chque tak ri banoj tzij.

Ri Ezequiel 34:10

chi in, ri Ajawaxel, ri quinya' u bixic chiwe: Ajyuk'ab, in quink'alajisaj wib chi at nu c'ulel chiwe, quebentokij c'ut ri e nu chij pa i k'ab; quinwesaj ri qui chajixic pa i k'ab, rech man quitakej ta qui chajixic iwib pa iwech wi; quinto' na qui wi' tak ri e nu chij, rech man quebitakej ta qui tijic.’ ”

Ri Ezequiel 34:2

“At, winak, chatch'aw pa ri nu bi' che u c'äjisaxic qui wäch ri rajyuk'ab ri Israel, chabij c'u chque: ‘Are' wa' cubij ri Ajawaxel: ¡Tok'ob qui wäch ri rajyuk'ab ri Israel, ri are caquilij quib pa quech wi! Ri are ta ne caquilij ri jumulaj chij.

Ri Osey 4:8

E c'asal rumal ri qui macunic ri nu tinimit; rumal ri' are' qui rayinic chi quemacun ri e nu winak.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':

Ri Matey 10:37

Apachin ri are lok' na ri u tat o ri u nan chnuwäch in, man in takal ta che; apachin ri are lok' na ri u c'ojol o ri u mia'l chnuwäch in, man in takal ta che.

Ri Matey 22:16

Xequitak bic ri qui tijoxelab ruc' ri Jesus e cachil ri aj herodib, xquibij che: “Aj tij, keta'm chi ri lal cabij la ri kastzij. Keta'm chi ri lal quetijoj la ri winak ruc' kastzij che ri u be ri Dios, chi man coc ta la il chuwäch jachin jun, we nim u banic o man nim ta u banic, man are ta quil la qui wäch ri winak.

Ri Lucax 14:26

“We c'o jun cäpe wuc', ma ta c'u in lok' chuwäch, chuwäch ri u tat, u nan, rixokil, ralc'ual, rachalal xukuje' rana'b, xukuje' ne ri u c'aslemal, man cäcuin taj cux nu tijoxel.

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

2 Corintios 5:16

Rumal ri' man cäkachomaj ta chi uj camic, jas ri cäquichomaj ri winak aj uwächulew camic; pune' xkachomaj ri Crist jas ri qui chomanic ri winak aj uwächulew, man je ta chi c'u u chomaxic wa camic cäkabano.

U Camulixic ri Pixab 32:15

Xchomar c'ut ri Jesurun, xuchaplej c'u yak'anic (sibalaj xchomaric) xuxutuj c'u can ri Dios ri xq'uiyisanic; xretzelaj u wäch ri to'l rech xukuje' colol rech.

U Camulixic ri Pixab 33:9

ri xubij chque ri u nan u tat: ‘Mawi jumul wilom ta i wäch;’ xukuje' xubij chque ri rachalal: ‘Man quinch'ob ta i wäch;’ xukuje' xubij chque ri e u c'ojol: ‘Man weta'm ta ix jachinok.’ Ri e are' cäquiban na jas ri bim la quijachom c'u quib pa ri c'ulwächinic la ruc' tz'akatil.

Santiago 3:17

Are c'u ri winak ri cäya' qui no'j rumal ri Dios, nabe e ch'ajch'oj, c'äte ri' cäquiya' jamaril, e utz cuc' ri winak, are' e nimanelab, e nojinak che elebal c'uxaj xukuje' che utzalaj tak wächinic, man cuban ta quieb qui c'u'x, man c'o ta quieb qui wäch.

Ri Josue 18:1

Conojel ri tinimit aj israelib xquimulij quib pa Sil, che u jekebaxic ri Lic'om Ja re rikoj ib ruc' ri Dios. Pa tak ri k'ij ri' ri ulew ch'äctajinak chic,

Nabe Samuel 3:13

Nu yo'm u bixic che chi quinc'äjisaj qui wäch ri e rech, xa' jumul chbe k'ij sak rumal rech ri etzelal ri reta'm chic; ri e u c'ojol in quic'okom, man xebuk'il ta c'ut.