Nabe Samuel 2:25 - Quiché Bible

²⁵ We jun winak cämacun chrij jun winak chic, ri Ajawaxel cuya' cuto' we winak ri'; we jun winak cuc'ulelaj ri Ajawaxel, ¿jachin ta ri cato'w u wi'?” Man xquinimaj ta c'ut ri xubij ri qui tat chque, u chomam chi c'u ri Ajawaxel resaxic ri qui c'aslemal.

Nabe Samuel 2:25 ပူးပေါင်းရင်းမြစ်များ

Chapletajic 38:10

Ri xuban ri Onan man xkaj ta chuwäch ri Ajawaxel, rumal ri' xucämisaj.

Chapletajic 38:7

Man xkaj ta c'u ri itzel u c'aslemal ri Er chuwäch ri Ajawaxel, rumal ri' xucämisaj.

Nabe Ajawinelab 8:31

Aretak c'o jun cuban jun c'ax che ri rajil u tz'akat, cutakchi'j c'u che u bixic ri chi'nic ri kas cäban na chuwäch ri porobal ri ech la ri c'o chupam we achoch la ri',

Nabe Ajawinelab 8:32

chtatabej la ulok c'ä chicaj, chbana' c'u la ri takalic; chbana' la ri suq'uilal chque ri pataninel tak ech la. Chäc'okoj la ri ajchak'mac, chakasaj la ri c'äjisabal wächaj puwi' qui mac quech ri itzel tak u banoj, chbana' c'u la ri suq'uilal che ri man c'o ta u mac, jacha' ri takal che.

Ucab Tzijobelil 10:15

Ri ajawinel, man xunimaj taj ri xubij ri tinimit, rumal rech chi u chomam ri Ajawaxel chi je cac'ulmataj wa' rech cätz'akat ri xubij ri Ajawaxel che ri Jeroboam, ri u c'ojol ri Nabat, rumal ri Ahiy, ri aj Sil.

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Ri Job 9:33

¡C'o ta banom wi chi c'o ta jun k'atal tzij chkaxo'l ri c'o ta u k'atbal tzij pakawi' ka cabichal,

Salmib 51:16

Ri lal man quebaj ta la tak sipanic mawi tabal tak tok'ob ri quechajirisaxic; in quebenya' ta ri' che la, man e are ta c'u wa' ri quekaj ta chwäch la.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

E C'ambal tak Tzij 13:1

Ri c'ojolaxel ri ajno'j cuc'amowaj ri u pixbenic ri u tat; ri banal nimal man cuya' ta u xiquin che ri k'ilonic.

E C'ambal tak Tzij 15:10

Ri cuya' can ri utzalaj be co ri u c'äjisaxic u wäch cäbanic; ri cäretzelaj u wäch ri k'ilonic cäcäm na.

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Ri Tzijonel 3:3

Jun jok'otaj che cämisanic, jun jok'otaj chic che cunanic. Jun jok'otaj che yojinic, jun jok'otaj chic che yacanic.

Ajilanic 15:30

We c'u ne c'o jun winak cunabej aretak camacunic, we aj israel o man aj israel taj, cuyac woyowal. Rumal ri', we winak ri' quesax na chquixo'l ri u winakil.

U Camulixic ri Pixab 1:17

aretak quik'at tzij, rajawaxic junam ri u k'atic tzij quiban paquiwi' ri winak: Chibana' ri suc'alaj k'atan tzij paquiwi' ri man nimak ta qui k'ij xukuje' paquiwi' ri nimak qui k'ij, mixe'j iwib chuwäch jachin jun, rech c'u ri Dios ri k'atoj tzij. Are c'u we c'o jun jasach ri man quixcuin ta che u k'atic tzij puwi', chic'ama' ulok chnuwäch rech quink'at tzij in puwi'.’

U Camulixic ri Pixab 2:30

Are c'u ri ajawinel Sehon man xraj ta chi cujoc'ow pa ri rulew, rumal rech chi ri Ajawaxel ri i Dios ix, xubano chi cuk'il rib che ri koc'owem, rech cujach pa i k'ab ix, c'ä jacha' c'u ne ri u banom camic.

1 Timoteo 2:5

Xa' c'u jun Dios c'olic, xukuje' xa' jun ch'awenel paquiwi' ri winak chuwäch ri Dios, are jun achi, ri Crist Jesus.

Hebreos 10:26

We cäkatakej u banic ri mac aretak ketamam chic ri kastzij, man c'o ta chi tabal tok'ob ri cäcanaj ta cho ri Dios che qui sachic ri mac.

Hebreos 10:27

Xane' xak cäkeyej ri k'atoj tzij xukuje' ri c'axalaj k'ak' ri cäsachow na qui wäch ri cäquiban qui c'ulel che ri Dios.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Ri Josue 11:20

are' c'u ri Ajawaxel xbanowic chi ri e c'ulel xquicowirisaj ri canima' xquik'atij c'u qui wäch ri aj israelib rech man ruc' ta elebal c'uxaj, ri aj israelib caquiq'uis tzij paquiwi', je jacha' ri takanic ri u yo'm ri Ajawaxel che Moises.

Nabe Samuel 3:14

Rumal ri' quinban ri chi'nic ri kas cäban na, in chokinak chi ri etzelal ri qui banom ri rachalaxic ri Eli mawi jubik' cäsach u tza'm, mawi cumal tabal tak tok'ob, mawi cumal tak sipanic.”