Nabe Samuel 2:24 - Quiché Bible

²⁴ Jayi', nu c'ojol tak, mawi jubik' man utz taj ri nu tom u tzijol, ri cutzijoj ri u tinimit ri Ajawaxel chiwij.

Nabe Samuel 2:24 ပူးပေါင်းရင်းမြစ်များ

Nabe Ajawinelab 15:26

Man utz ta c'ut xril ri Ajawaxel ri e u banoj; xebuban ri junam tak macaj ri xuban ri u tat, ri xbanowic chi xemacun tak ri aj israelib.

Nabe Ajawinelab 15:30

Je c'u xc'ulmataj wa' qui mac quech tak ri macaj ri xuban ri Jeroboam, ri xbanowic chi xemacun tak ri aj israelib, are c'u wa' ri xquiyacbej royowal ri Ajawaxel, ri u Dios ri Israel.

Ucab Ajawinelab 10:31

Pune' c'u je xbix wa' che, ri Jehu man xoc ta il che ri kas u tz'akatisaxic ri u pixab ri Ajawaxel, ri u Dios ri Israel, man xutas ta c'u rib chquij ri macaj ri xemacun wi ri aj israelib rumal ri Jeroboam.

Elem 32:21

Xubij c'u ri Moises che ri Aaron: “¿Jas ri xuban we tinimit ri' chawe chi xebatakchi'j che u banic jun nimalaj mac?”

Ri Malaquiy 2:8

Are c'u ri ix, ri ix cojol tabal tak tok'ob, i jaluch'um iwib i yo'm can ri utzalaj be; cumal tak ri e i tijonic i banom chque q'ui winak chi e tzakinak. Jeri' ri ix i q'uexom ri nu c'ulwächinic ri xinban ruc' ri Levi.

Ri Matey 18:7

¡C'ax c'u cäpe paquiwi' ri winak ri' ri e c'o cho ri uwächulew ri cumal quepe tak ri macaj!; rajawaxic c'ut chi quepe na ri takchibal tak macaj; ¡c'ax c'u cäpe puwi' ri winak ri' ri quebutakchi'j ri niq'uiaj pa ri macaj!

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

2 Corintios 6:8

C'o jutak mul nim cujilic, jutak mul chic cujyok'ic; c'o chi jutak mul utz ka tzijol, c'o chi jutak mul cäbix itzel tzij chkij. Cujk'abaxic chi uj banal tak tzij, are c'u ne cäkabij ri kastzij.

1 Timoteo 3:7

Xukuje' rajawaxic chi utz quil wi cumal ri winak rech man c'o ta yok'bal re, rech man cächap ta rumal ri itzel.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

3 Juan 1:12

Ronojel utz u tzijol ri Demetr xukuje' ne ri kastzij, cumal ri cätajin cubano. Xukuje' ri uj cäkak'alajisaj jas ri kilom, chi utz ri cubano. Ri at aweta'm chi ri cäkabij are kastzij.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Nabe Samuel 2:17

Je c'u ri', sibalaj c'axalaj mac ri cäquiban we alabom ri' chuwäch ri Ajawaxel, man nim ta c'u quequil wi ri tabal tak tok'ob ri queya' che ri Ajawaxel.

Nabe Samuel 2:22

Are c'u ri Eli sibalaj nim winak chic, reta'm c'u ronojel ri cäquiban ri u c'ojol chque ri aj israelib, quek'oyi c'u ne cuc' tak ri ixokib ri quepatanij chuchi' ri Lic'om Rachoch ri Dios re rikoj ib.

Nabe Samuel 2:23

Rumal c'u ri' xubij chque: “Conojel ri winak cäquibij chwe conojel ri itzel tak banoj ri quibano. ¿Jasche je quiban wa'?