Nabe Samuel 2:18 - Quiché Bible

¹⁸ Are c'u ri ala Samuel, u cojom jun atz'iak nim u k'ij re lino, u takem pataninic chuwäch ri Ajawaxel.

Nabe Samuel 2:18 ပူးပေါင်းရင်းမြစ်များ

Ucab Samuel 6:14

Ri David u cojom bic jun atz'iak nim u k'ij re lino, cäxojow c'u ruc' ronojel ri u chuk'ab,

Nabe Tzijobelil 15:27

Ri David u cojom jun u k'u' re ch'uch'ujalaj lino jacha', xukuje' conojel ri e aj levitib ri e teleninak ri caxa; ri e ajbixab xukuje' ri Quenaniy, ri c'amowinak u be ri k'axenic; ri David u cojom c'u ne bic jun ratz'iak nim u k'ij re lino.

Elem 28:4

Ri atz'iak ri quequibano e are tak wa': ri cäya' cho c'uxaj, ri atz'iak ri nim u k'ij, ri kas atz'iak, ri u pam atz'iak ri tz'otom, ri pisbal jolomaj re lino, xukuje' ri pas. Chequibana' ba' atz'iak ri pakal cajil che ri Aaron xukuje' chque ri e u c'ojol, rech quepatanij che cojol tabal tok'ob chnuwäch.

Aj Levitib 8:7

Ri Moises xucoj ri u pam atz'iak chrij ri Aaron, xuxim ri u pam ruc' ri pas; xucoj ri kas atz'iak ri cäbe chupam ri atz'iak ri nim u k'ij, xucoj c'u ri atz'iak ri nim u k'ij chrij utzalaj u ximic xuban ruc' ri ximibal rech.

Nabe Samuel 14:3

Ri cojowinak bic ri atz'iak ri nim u k'ij are ri Ahiy, ri u tat ri Ahiy are' ri Ahitob rachalal ri Icabod (ri u tat ri Icabod are' ri Pinees, ri u tat ri Pinees are' ri Eli, cojol tabal tok'ob chuwäch ri Ajawaxel pa Sil). Ri winak man queta'm taj chi benak ri Jonatan.

Nabe Samuel 2:11

Xtzelej ri Elcan xbe cho rachoch pa Rama, are c'u ri ac'al xcanaj can che u patanixic ri Ajawaxel chuxe' ri u takanic ri Eli, ri cojol tabal tok'ob.

Nabe Samuel 2:28

Xebencha' c'u chquixo'l conojel ri camak' ri aj Israel rech quebux na e nu cojol tabal tok'ob, rech quequichi'j tabal tak tok'ob ri quechajirisaxic puwi' ri nu porobal, xukuje' quequiporoj c'u na c'oc' k'ol, caquicoj ri catz'iak ri nim u k'ij chnuwäch. Xinya' c'u xukuje' chque ri e i mam conojel tak ri sipanic ri quequiporoj tak ri aj israelib che u ya'ic u k'ij ri Ajawaxel.

Nabe Samuel 22:18

Rumal c'u ri', ri ajawinel xutak ri Doeg, ri aj edom, xubij che: “Chebacämisaj at.” Xuchap c'u qui cämisaxic ri e cojol tabal tak tok'ob, pa ri k'ij ri' xecämisax jumuch' job (85) achijab ri qui cojom ri atz'iak nim u k'ij re lino chquij.

Nabe Samuel 3:1

Ri ala Samuel u takem u patanixic ri Ajawaxel chuxe' ri u takanic ri Eli. Pa tak ri k'ijol ri' c'ä chuc'lawi' cätzijon ri Ajawaxel ruc' jachin jun che u ya'ic jun takquil che; man xak ta amak'el chi c'o jachin caril jun c'utwächinic.