Nabe Samuel 19:7 - Quiché Bible

⁷ Xbe c'u ri Jonatan xusiq'uij ri David xutzijoj c'u che ronojel ri xquitzijoj. Xuc'am c'u bic chuwäch ri Saul, xoc chi c'u ri David che u to'ic ri Saul junam jas can ri nabe.

Nabe Samuel 19:7 ပူးပေါင်းရင်းမြစ်များ

Chapletajic 31:2

Xukuje' xril ri Jacob chi cuban chi royowal ri Laban che, man je ta chic cärilo jas ri nabe.

Nabe Tzijobelil 11:2

kas c'u tzij pune' ri Saul are' ajawinel, lal c'ut ri xc'amow la qui be ri aj Israel che qui banic tak ri ch'o'j. Che chi c'ut u tz'akat, ri Ajawaxel ri Dios la u chi'm che la chi lal cac'amow na la u be xukuje' cätakan na la puwi' ri u tinimit Israel.”

Elem 4:10

“¡Ay, Ajawaxel!” xcha' ri Moises. “Ri in man quincuin taj quinch'awic, man c'äte ta re iwir wa' mawi c'ä re ta camic ri cätajin catzijon la ruc' we pataninel ech la ri', xane' ojer ulok wa'. Aretak quintzijonic, quinmemetic.”

Ri Isaiy 30:33

Sibalaj ojer suc'umam ulok che ri Asiriy xukuje' che ri rajawinel jun c'olbal re c'axc'ol ri nim u wäch xukuje' naj u pam, jun k'ak' nicowisam ri yo'm sibalaj si' chupam. Are ri ruxlab ri Ajawaxel cänicowisan na jacha' jun nima' re asubre.

Nabe Samuel 16:21

Jewa' ri ropanem ri David ruc' ri Saul, xcanaj che pataninel rech, sibalaj c'u xlok'ok'ex rumal ri Saul xucoj c'u che to'l rech.

Nabe Samuel 18:10

Chucab k'ij, ri itzel uxlabal ri takom ulok rumal ri Dios xkaj puwi' ri Saul, je ta c'u ne ri xux jun ch'u'j chupam ri rachoch. Ri David cätajin cuk'ojomaj ri arp, jas ri cuban amak'el, ri Saul c'o ri u tz'imaj ch'ich' pu k'ab.

Nabe Samuel 18:13

Rumal ri' xunajtajisaj che xucoj c'u che c'amal qui be jun mil (1,000) ajch'ojab, ri cänabej chquiwäch che qui banic ch'o'j, cätzelej c'u ulok.

Nabe Samuel 18:2

Ri Saul pa re wi pa ri k'ij ri' xucoj che pataninel rech, man xutzokopij ta bic chi cätzelej ta cho rachoch ri u tat.

Nabe Samuel 19:6

Aretak xoc pa u jolom ri Saul ri utzalaj tak tzij ri xubij ri Jonatan che, xurak u chi' xubij: “Quinban na ri chi'nic ri kas cäban na, quincha' pa ri u bi' ri Ajawaxel chi ri David man cäcäm ta na.”

Nabe Samuel 19:8

Xwalij chi c'u jumul ri ch'o'j, xel c'u bic ri David che u banic ch'o'j cuc' ri aj pilisteyib xebuch'äc c'ut, xquirik c'u jun nimalaj tzakmajic rumal, xuban c'u chque chi xebanimanijic.