Nabe Samuel 19:5 - Quiché Bible

⁵ xuya' c'ut ri u c'aslemal pa ri cämical aretak xucämisaj ri pilistey, je c'u ri' ri Ajawaxel kas xuto'tajisaj ronojel ri Israel. Ri lal xil la xquicot c'u la rumal. ¿Jas ta c'u che cächomaj la u banic c'ax che ri u c'aslemal ri man c'o ta u mac, cächomaj c'u la u cämisaxic ri David ri man c'o ta etzelal u banom?”

Nabe Samuel 19:5 ပူးပေါင်းရင်းမြစ်များ

Ucab Samuel 23:10

Are' c'u ri are' xutakej can qui cämisaxic ri aj pilisteyib c'ä xk'itaj na ri u k'ab xnaq'ui c'u can ri u k'ab che ri ch'ich' re ch'o'j. Pa ri k'ij ri' ri Ajawaxel xurik jun nimalaj ch'äcanic. Ri e ajch'ojab xquitakej ri Eleazar che rechbexic ri tokim che ri c'ulel.

Nabe Tzijobelil 11:14

ri are' xutac'aba' rib pa u niq'uiajil ri ulew xuto' c'ut, xebuch'äc c'ut ri aj pilisteyib. Je c'u ri' ri Ajawaxel xuya' jun nimalaj ch'äcanic chque.

Nabe Tzijobelil 11:18

Are c'u ri oxib cowilaj tak achijab xeboc chupam ri qui kajebal ri aj pilisteyib xquesaj c'ut ri ja' chupam ri c'ua' ri c'o chuchi' ri oquibal pa Belen, xquic'am c'u bic che ri David. Man xraj ta c'ut ri David xruq'uiaj, xane' xujamij jacha' sipanic chuwäch ri Ajawaxel,

Salmib 109:5

Ruc' etzelal qui tojom ri utzil ri nu banom chque, che u q'uexwäch ri nu lok'ok'ebal c'u'x, caquetzelaj nu wäch.

Salmib 119:109

Amak'el xak quieb xubij ri cämical panuwi', man elinak ta c'u ri tijonic la pa nu jolom.

Salmib 25:3

¡Mawi jubik' mel qui q'uixbal ri qui cuban qui c'u'x chij la! ¡Are chel qui q'uixbal ri man c'o ta rumal cäquiyac quib che c'ulelaxic la!

Salmib 69:4

Ri man c'o ta rumal caquetzelaj nu wäch e c'o na ri qui q'uiyal chuwäch ri wi'aj ri e c'o che ri nu jolom; e q'uiyirinak ri qui banom qui c'ulel chwe ri man c'o ta jasche caquisachisaj nu wäch caquicoj c'u qui chuk'ab chwe chiquintzelej ri man welek'am taj.

Salmib 94:21

cäquitzucuj u cämisaxic ri man c'o ta u mac, tz'akat c'u ne pa ronojel, cäquicokoj che cämical.

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Ri Jeremiy 26:15

Are c'u kas utzalaj retamaxic chi bana': We quinicämisaj, ri ix, xukuje' ri e u winakil we tinimit ri' e are' aj chak' tak mac che u cämisaxic jun ri man c'o ta u mac; kas c'u tzij are' ri Ajawaxel in takowinak che kas quiya'ic qui k'alajisaxic chiwe conojel tak we jastak ri'.”

Ri Matey 27:24

Ri Pilat aretak xrilo chi man c'o ta curechbej, xane' xban jun nimalaj tuquin ib. Xuc'am c'u ja', xuch'aj ri u k'ab chquiwäch ri winak, xubij: “Man quinweklej ta ri u quiq'uel we achi ri' ri man c'o ta u mac. Ix chixilowok.”

Ri Matey 27:4

Xubij: “C'o ri nu mac. Xinjach jun achi rech cäcämisaxic, ri man c'o ta u mac.” Ri e are c'ut xquibij: “¿Jas ke uj che? ¡At chatilowok!”

Ri Xuan 15:25

Cabantaj c'u wa' rech quetz'akatisax na ri tzij ri tz'ibatal chupam ri qui pixab: Xquetzelaj nu wäch, man c'o ta jasche.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Filipenses 2:30

Rumal c'u rech ri u chac ri Crist, xa' jubik' xraj man xcämic. Man xoc ta c'u il che ri u c'aslemal, xa' rumal ri u banic tok'ob chwe. Xubano jachique ri man xixcuin ta ix che u banic.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

K'atal tak Tzij 12:3

Rumal c'u rech chi xinwilo chi man xixpe ta che ka to'ic, xinjach ri kas nu c'aslemal pa cämical, xinbe che ch'o'j chquij ri aj amonib, xuya' c'u ri Ajawaxel chwe chi xinch'äcanic. ¿Jasche quixpe ix camic che u banic ch'o'j wuc'?”

K'atal tak Tzij 9:17

Ri nu tat xuya' rib pa cämical aretak xch'ojin cuc' ri aj madianib che i to'ic pa qui k'ab;

Nabe Samuel 11:13

Ri Saul xucoj rib xubij: “Pa we k'ij ri' man c'o ta jun cäcämic, e u to'tajisam c'ut ri Ajawaxel ri aj israelib camic.”

Nabe Samuel 14:45

Are c'u ri tinimit xutzelej u bixic che ri Saul xubij: “¿Jas ta che cäcäm ri Jonatan, u yo'm c'u jun nimalaj ch'äcanic che ri Israel? ¡Man cäban ta wa'! ¡Pa ri u bi' ri Ajawaxel, man cätzak ta na jun wi'aj re ri u jolom cho ri ulew! Rumal rech chi ri u banom camic u banom rumal ri u to'banic ri Dios.” Je xuban wa' ri tinimit rech cäcolotaj ri Jonatan rech man cäcäm taj.

Nabe Samuel 19:6

Aretak xoc pa u jolom ri Saul ri utzalaj tak tzij ri xubij ri Jonatan che, xurak u chi' xubij: “Quinban na ri chi'nic ri kas cäban na, quincha' pa ri u bi' ri Ajawaxel chi ri David man cäcäm ta na.”

Nabe Samuel 20:32

Ri Jonatan xutzelej u bixic che: “¿Jas ta c'u che takal u cämisaxic? ¿Jas puch ri u banom?”

Nabe Samuel 22:14

Ri Ahimelec xutzelej u bixic che ri ajawinel: “¿Jachin ta c'u jun chquixo'l conojel ri quetoban uc' la ri sibalaj ta jic jacha' ri David, ji' c'u la xukuje' are qui nimal ri ajch'ojab ri e c'o pa k'ab la, ri xukuje' sibalaj ya'tal u ya'ic u k'ij pa ri nimalaj achoch la?

Nabe Samuel 28:21

Aretak xril ri ixok chi ri Saul man cuya' ta chi sak che, xkeb ruc' xubij c'u che: “We pataninel ech la ri' oquinak il che ri tz'onon la che. Xinya' c'u ri nu c'aslemal pa cämical, nu nimam u banic ri xbij la chwe.