Nabe Samuel 19:24 - Quiché Bible

²⁴ xresaj c'u ne ri ratz'iak je u banom wa', ch'analic, xutakej c'u u k'axexic tzij chuwäch ri Samuel ronojel ri jun k'ij xukuje' ronojel ri jun ak'ab, chi' c'u xpe wi ri tzij cäbixic: “¿A xukuje' ri Saul are jun chquixo'l ri e k'axal tak tzij?”

Nabe Samuel 19:24 ပူးပေါင်းရင်းမြစ်များ

Ucab Samuel 6:14

Ri David u cojom bic jun atz'iak nim u k'ij re lino, cäxojow c'u ruc' ronojel ri u chuk'ab,

Ucab Samuel 6:20

Xbe c'u ri David cho rachoch che qui tewichi'xic ri e c'o cho rachoch; are c'u ri Mical ri u mia'l ri Saul, xel ulok che u c'ulaxic xubij c'u che: “¡Camic sibalaj utz canajinak ri ajawinel ri c'o pa Israel, xuc'ut rib chquiwäch ri ixokib ri e lok'om tak pataninelab, jacha' jun apachique winak ri man c'o ta u q'uixbal chupalaj!”

Ri Isaiy 20:2

Pa ri k'ijol ri' xch'aw ri Ajawaxel rumal ri Isaiy, ri u c'ojol ri Amoz, xubij c'u che: “Chawesaj we wakwoj atz'iak ri' ri a cojom chawij, xukuje' ri xajäb ri e a cojom chque ri e awakan.” Ri Isaiy je xubano, man c'o ta chi u xajäb xcanajic xukuje' xuwi chi u cojom ri u pam ratz'iak.

Ri Miquey 1:8

Rumal ri' quinok' na ruc' nimalaj bis; rumal ri' quet'anacat na ri wakan, qui nawinic jacha' jun xexalaj awaj quinjix u pa nu chi' jacha' jun ral abestrus.

Ajilanic 24:4

chi aretak cämajitajic sibalaj cäca'y na chi sak, ri quebuc'am tak tzijol xukuje' queril c'utwächinic ri cuc'ut ri Dios chuwäch ri c'o ronojel u cuinem.

Hechos 9:21

Conojel ri xquitatabej ri u tzij, xemayinic, xquibij: “¿La ma ta are' wa' xbanow c'ax chque ri winak pa Jerusalen ri caquinataj ri u bi' ri Jesus? ¿La ma ta xukuje' petinak waral che quiyutic bic quebuc'am c'u bic chquiwäch ri e c'amal qui be ri cojol tabal tok'ob?”

Nabe Samuel 10:6

Cätakan c'u na ri ruxlabal ri Ajawaxel pawi', catmajitaj c'u na e jacha' ri e are', catjalwächitaj c'u na pa jun achi chic.

Nabe Samuel 15:35

Ri Samuel mawi jumul xril chic u wäch ri Saul, pune' c'u sibalaj xbisonic chi xutzelej rib ri Ajawaxel che u cojic ri Saul che rajawinel ri Israel.

Nabe Samuel 18:10

Chucab k'ij, ri itzel uxlabal ri takom ulok rumal ri Dios xkaj puwi' ri Saul, je ta c'u ne ri xux jun ch'u'j chupam ri rachoch. Ri David cätajin cuk'ojomaj ri arp, jas ri cuban amak'el, ri Saul c'o ri u tz'imaj ch'ich' pu k'ab.