Nabe Samuel 18:5 - Quiché Bible

⁵ Rumal rech chi ronojel takanic ri cuya' ri Saul che ri David sibalaj utz u banic cubano, rumal ri' ri Saul xucoj paquiwi' ri achijab ri quebe pa tak ri ch'o'j. Sibalaj c'u xkaj wa' chquiwäch conojel ri ajch'ojab xukuje' chquiwäch ri nimak qui k'ij ri e c'o ruc' ri Saul.

Nabe Samuel 18:5 ပူးပေါင်းရင်းမြစ်များ

Chapletajic 39:23

Ri takanel paquiwi' ri e c'o pa che' man c'o ta jas cusolij che ri jachom pa u k'ab ri Jose, rumal rech chi c'o ri Ajawaxel ruc' cuban c'ut chi ronojel utz quel chuwäch.

Ucab Samuel 5:10

Ri u cuinem ri David cätajin canimaric, are c'u ri Ajawaxel, ri Dios ri c'o ronojel u cuinem, c'o ruc'.

Ucab Samuel 5:2

kas c'u tzij pune' are ka ajawinel ri Saul, lal c'ut ri kas xc'amow la u be ri Israel pa tak ri ch'o'j. U chi'm chi c'ut ri Ajawaxel che la chi lal cac'amow na la u be xukuje' cak'at na la tzij puwi' ri Israel.”

Ucab Tzijobelil 17:3

Ri Ajawaxel xc'oji' ruc' ri Josapat, rumal rech chi je xubano jacha' ri xuban ri David, ri u mam. Man xebupatanij taj ri jalan tak u wächbal ri Baal,

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Salmib 101:2

quinwaj quinjeki' pa colomal. ¿Jampa' lo cäpe la wuc'? Man c'o ta mac quinc'ulaj pa nu c'aslemal xukuje' ne chupam ri nimalaj wachoch;

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Hechos 7:10

Xuto'tajisaj pa ri c'axc'olil. Xuya' u no'j, xuban c'u che chi xuch'äc ri u tok'ob ri paraon; ajawinel aj Ejipt, ri xucoj ri Jose che k'atal tzij puwi' ri Ejipt xukuje' puwi' ri rachoch.

Efesios 5:17

Mäsach ri i chomanic, xane' chiwetamaj jas ri u rayibal ri Ajawaxel.

Colosenses 4:5

Chc'ol utzalaj i no'j che u banic ri quiban chquixo'l ri man e cojonelab taj, utz u cojic ri k'ijol chibana'.

K'atal tak Tzij 1:19

C'o c'ut ri Ajawaxel cuc' ri aj Juda, xecuin c'u che qui ch'äquic ri winak ri e c'o pa ri juyub, man xecuin ta che quesaxic bic ri winak ri e c'o pa tak ri lianic, rumal rech chi ri e are' c'o qui carwaj re ch'ich'.

Nabe Samuel 13:2

xebucha' oxib mil (3,000) ajch'ojab chquixo'l ri aj israelib. Quieb mil (2,000) xecanaj can ruc' pa Micmas xukuje' pa tak ri juyub ri e c'o pa Betel, ri jun mil (1,000) chic xecanaj ruc' ri Jonatan pa Gabaa aj Benjamin. E are' c'u ri niq'uiaj winak chic, ri Saul xuya' takanic chi chetzelej cho cachoch.

Nabe Samuel 14:52

Amak'el xeban cämisanelalaj tak ch'o'j che qui c'ulelaxic ri aj pilisteyib conojel ri k'ij ri xc'asi' ri Saul; rumal ri' ri Saul cucoj chquixo'l ri rajch'ojab apachique cowilaj achi ri man c'o ta cabirbob wi.

Nabe Samuel 18:16

Conojel c'ut pa Israel xukuje' pa Juda quilok' ri David, are' c'ut cäc'amow qui be aretak quebe che ch'ojinic quetzelej c'u ulok.

Nabe Samuel 18:30

Cac'ulmataj c'ut chi aretak quebel ulok ri qui nimal ri aj pilisteyib che u banic ch'o'j, ri David are cäch'äcan na chquiwäch ri niq'uiaj chic ri nimak quekle'n ri e c'o ruc' ri Saul, rumal c'u rech wa' sibalaj nim xil wi.

Nabe Samuel 18:4

Xak c'u u wi' chic, ri Jonatan xujolij ri u k'u' xukuje' ri ratz'iak ri u cojom bic, xebuya' c'u che ri David, xrachilaj ri u ch'ich' re ch'o'j ri u q'uiakbal ch'ab xukuje' ri u pas.

Nabe Samuel 18:6

Xc'ulmataj c'ut, chi aretak ri ajch'ojab xetzelej ulok aretak cämisatajinak chic ri pilistey rumal ri David, pa conojel tak ri tinimit xebel ulok ixokib che u c'ulaxic ri ajawinel Saul quebixonic xukuje' quexojow ruc' quicotemal cuc'a'm tak tzojtzoj xukuje' tak k'ojom.

Nabe Samuel 3:19

Ri Samuel xnimaric, xto' rumal ri Ajawaxel man c'o ta ne jun chque tak ri e u chi'nic ri ma ta xebutz'akatisaj.