Nabe Samuel 18:3 - Quiché Bible

³ Ri Jonatan xukuje' ri David junalic chi'nic ri kas cäkaban na xecha' chi cacaj quib, are' c'u ri Jonatan sibalaj xulok'ok'ej ri David jacha' ri kas are' chbil rib.

Nabe Samuel 18:3 ပူးပေါင်းရင်းမြစ်များ

Ucab Samuel 21:7

Ri ajawinel xuc'amowaj ri qui jachic chque, pune' c'u xutok'obisaj u wäch ri Mepi-boset, u c'ojol ri Jonatan ri' u mam ri Saul, rumal ri tastalicalaj chi'nic ri kas cäban na, ri u bim ri are' xukuje' ri Jonatan.

E C'ambal tak Tzij 18:24

E c'o jujun ri uj utz cuc' chanim c'ut cäsach u wäch ri cutzil kuc', e c'o c'ut jujun kachil ri e jic na chuwäch jun kachalal.

Nabe Samuel 19:1

Ri Saul xuya' takanic che ri Jonatan ri u c'ojol xukuje' chque conojel ri rach k'atal tak tzij chi chquicämisaj ri David. Are' c'u ri Jonatan ri sibalaj lok' ri David chuwäch,

Nabe Samuel 20:41

Xuwi c'u xbe ri pataninel, ri David xel ulok chrij ri jumulaj abaj, aretak c'o chic chuwäch ri Jonatan oxmul xumej rib c'ä xuya' ri u palaj cho ri ulew. Xquitz'umala' c'u quib xukuje' xebok' junam c'ä xq'uistaj na u c'u'x ri David.

Nabe Samuel 20:42

Xubij ri Jonatan che ri David: “Jät c'o mabisoj, are c'u ri chi'nic ri kas cäban na ri kabin ka cabichal ka banom pa ri u bi' ri Ajawaxel, ka bim c'ut chi chc'ol amak'el chkaxo'l ka cabichal xukuje' kas chquixo'l ri awija'lil cuc' xukuje' ri wech in.” Aretak c'u xbitaj wa' cumal, ri David xutakej u be, are' c'u ri Jonatan xtzelej pa ri tinimit.

Nabe Samuel 22:8

Iwonojel ix jun chwij, man c'o ta c'u jun binenak chwe chi ri nu c'ojol u c'ulajim u wäch ruc' ri u c'ojol ri Isayi; man c'o ta c'u jun oquinak ta il chwe; man c'o ta c'u jun bininak ta chwe chi ri nu c'ojol u cojom ri to'l wech che nu c'ulel rech quebutak ri rajch'ojab chwij rech quinkaj pa qui k'ab jas ri u banom camic.”

Nabe Samuel 23:18

Qui cabichal c'ut xquiban jun c'ulwächinic chquixo'l, xquicoj c'u ri Ajawaxel che k'alajisanel. Xuwi c'u xbantaj wa' cumal ri Jonatan xtzelej cho rachoch, are c'u ri David xcanaj can pa Hors.