Nabe Samuel 18:23 - Quiché Bible

²³ Ri pataninel tak rech ri Saul xequibij ronojel wa' che ri David, xutzelej c'u u bixic ri David chque: “¿La are pa i c'u'x ix chi cux u ji' ri ajawinel mat c'ax che jun ri meba' xukuje' man c'o ta cac'am che, jacha' ri in?”

Nabe Samuel 18:23 ပူးပေါင်းရင်းမြစ်များ

Chapletajic 29:20

Jeri' ri Jacob xchacun wukub junab che u ch'äquic ri Raquel, man xuna' ta c'ut xeboc'ow ri junab rumal rech chi sibalaj benak ranima' ruc' ri Raquel.

Chapletajic 34:12

Pune' ta ne jun tojbal ri coc'ow na chuwäch ri nak'atisabal xukuje' q'ui tak sipanic, ri in quinya' na chiwe; chiya' c'u c'olbal chi chc'ulan ri ali wuc'.”

Salmib 119:141

Man c'o ta nu banic, xukuje' man c'o ta nu sachom ta ri e pixab la nu patan ri e tz'ibatalic.

E C'ambal tak Tzij 14:20

Ri meba', xukuje' ne ri rachil ri junam u wäch ruc' quetzelax na u wäch rumal; ri k'inom man quebajilataj taj ri junam qui wäch ruc'.

E C'ambal tak Tzij 29:5

Ri amak'el cuya' u k'ij ri rachil, kastzij cätajin culic' jun c'amibal chuwäch.

1 Juan 3:1

Chiwila' chi sibalaj nim ri ka lok'ok'exic rumal ri Dios ri Tataxel, chi cäbix chke chi uj ralc'ual ri Dios, uj ralc'ual c'ut. Rumal ri' ri winak re ri uwächulew man cäquich'ob ta ka wäch, rumal rech chi man xquich'ob ta u wäch ri Dios.

Nabe Samuel 18:18

Xutzelej c'u u bixic ri David che: “Man c'o ta nu banic in, mawi c'o qui banic ri wachalaxic pa Israel, rech ri in quinux u ji' ri ajawinel.”

Nabe Samuel 18:22

Xuya' c'u takanic ri Saul chque ri pataninel tak rech, xubij: “Chixtzijon pa iwech wi ruc' ri David chibij che chi ri in, ri in ajawinel, sibalaj quinwaj, xukuje' chi conojel ri e pataninel tak wech sibalaj nim cäquil wi, xukuje' chi are' ri cux na nu ji'.”

Nabe Samuel 18:24

Ri pataninel tak rech ri Saul xebec xequitzijoj che ri u bim ri David.

Nabe Samuel 9:21

Ri Saul xutzelej u bixic: “¡Ri in, in aj ramak' ri Benjamin, ri ch'utin na chquixo'l ri aj israelib! Ri e wachalaxic are ri sibalaj man nimak ta qui k'ij chquixo'l ri aj ramak' ri Benjamin. ¿Jas c'u che cäbij la ronojel wa' chwe?”