Nabe Samuel 17:47 - Quiché Bible

⁴⁷ conojel ri quimulin quib waral cäquetamaj na chi ri Ajawaxel man cato'tajisan taj ruc' ch'ich' re ch'o'j mawi ruc' tz'imaj ch'ich'. We ch'o'j ri' rech ri Ajawaxel, are c'u quixjachow na ri ix pa ka k'ab.”

Nabe Samuel 17:47 ပူးပေါင်းရင်းမြစ်များ

Ucab Ajawinelab 5:15

Are c'u ri are' xukuje' conojel ri e achilaninak xebe che rilic ri Elisey. Aretak xebopan chuwäch, ri Naaman xubij che: “¡Camic nu ch'obom chi pa ronojel ri uwächulew man c'o ta Dios, xane' xak xuwi pa Israel! Rumal ri' quinbochi'n che la chi c'ama' la jun sipanic che we pataninel ech la ri'.”

Ucab Tzijobelil 14:11

Ri As xutz'onoj ri u to'banic ri Ajawaxel ri u Dios, je xubij wa': “Ajawaxel, che la man c'o ta u jalbem rib ri u to'ic ri c'o u chuk'ab xukuje' ri tukar. Rumal ri', ¡Chujto' la, Ajawaxel xukuje' ka Dios, ka cuban ya' ka c'u'x chi'j la, pa ri bi' c'u la uj petinak chquij we ajch'ojab ri'! Lal, Ajawaxel, lal ka Dios. ¡C'utu' la chi man c'o ta jachin jun cäcuinic cuk'atij ta wäch la!”

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Osey 1:7

Are' c'u quel na nu c'u'x che ri rajawinic ri ri Juda: kas in, ri Ajawaxel ri u Dios, quinto'tajisaj na. Man quebeto'tajisaj ta c'ut rumal ri ch'o'j, xane' quinban na man ruc' ta q'uiakbal ch'ab, mawi ch'ich' re ch'o'j, mawi tak quiej, mawi tak ajquiejab.”

Ri Zacariy 4:6

Ri are' xutakej u bixic: “Are wa' ri xuya' u bixic ri Ajawaxel che ri Zorobabel: ‘Man e are ta quek'ijim ri ajch'ojab mawi ri chuk'ab xane' are' ri Wuxlabal, cacha' ri Ajawaxel ri c'o ronojel u cuinem.

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

Romanos 8:37

Pune' cäkarik conojel we jastak ri', cujch'äcan na puwi' ronojel, rumal ri jun ri xujulok'ok'ej.

Ri Josue 10:8

are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Nabe Samuel 18:17

C'o jun k'ij ri Saul xubij che ri David: “Quinya' ri Merab chawe ri nabeal nu mia'l che awixokil, we cawaj chi catux jun cowilaj ajch'o'j quebaban c'ut ri e u ch'o'j ri Ajawaxel.” Ri Saul cuchomaj chi man rajawaxic taj chi are' ta cäcämisan ri David, xane' are' ta chebanow na ri aj pilisteyib.