Nabe Samuel 17:46 - Quiché Bible

⁴⁶ Camic catujach na ri Ajawaxel pa nu k'ab, kas c'u camic catincämisaj na, quinwesaj c'u na ri a jolom, e are' c'u ri cäminak tak ajch'ojab aj pilisteyib quebenya' na chque tak ri c'uch xukuje' chque tak ri juyubal tak awaj, je c'u ri' ronojel ri uwächulew cäretamaj na chi are' kas Dios ri c'o pa Israel;

Nabe Samuel 17:46 ပူးပေါင်းရင်းမြစ်များ

Chapletajic 40:19

quel cubij wa' chi pa oxib k'ij catresaj bic ri ajawinel pa che', catuxequeba' c'u chuwäch jun che', quepe c'u ri c'uch cäquitij ri a ti'jal.”

Ucab Samuel 18:28

Xnakajin c'u ri Ahimaas, xupachba' c'u rib c'a cho ri ulew chuwäch ri ajawinel, xuya' rutzil u wäch xubij' c'ut: “Tewichital ri Ajawaxel, ri Dios la, rumal rech chi e resam ri qui walijisam tak quib chi'j la.”

Ucab Samuel 21:10

Are c'u ri Rizpa, ri u mia'l ri Aja, xeratz'iakij wakwoj tak atz'iak rumal ri u bis, xuban c'u jun u panibal puwi' jun abaj. Xcanaj c'u chila', kas pa ri u tictajic ri u k'atic ri sebad c'a xchaptaj na ri jäb, man xuya' ta c'u chque ri c'uch chi xenakajin ta chque ri cäminakib pa k'ij, mawi xuya' chque ri juyubal tak awaj chi xenakajin ta chque ri cäminakib chak'ab.

Nabe Ajawinelab 8:43

chtataben la ulok c'ä pa ri caj, c'ä pa ri c'olbal ulok ri lal jekel wi, chya' c'u la che ronojel ri cutz'onoj che la, rech conojel ri nimak tak tinimit, rech ri uwächulew caquetamaj wäch la chiquiya' ta c'u k'ij la jacha' ri cuban ri Israel ri tinimit, chi caquich'ob ri bi' la ri cänatax chupam we achoch la ri' ri nu yacom che la.

Nabe Ajawinelab 8:60

Rech conojel ri nimak tak tinimit ri e c'o chuwäch ri uwächulew chquich'obo chi ri Ajawaxel are' Dios man c'o ta chi c'u jun.

Ucab Ajawinelab 19:19

Are c'u ri camic, Ajawaxel xukuje' ka Dios, maya' ba' la c'olbal chi cujkaj pa u k'ab, rech conojel ri winak re ri uwächulew chquetamaj chi ri lal, Ajawaxel, chi xuwi ri lal lal Dios.”

Ucab Ajawinelab 5:15

Are c'u ri are' xukuje' conojel ri e achilaninak xebe che rilic ri Elisey. Aretak xebopan chuwäch, ri Naaman xubij che: “¡Camic nu ch'obom chi pa ronojel ri uwächulew man c'o ta Dios, xane' xak xuwi pa Israel! Rumal ri' quinbochi'n che la chi c'ama' la jun sipanic che we pataninel ech la ri'.”

Salmib 31:8

man xinjach ta la pa u k'ab ri c'ulel; ¡xintac'aba' la pa jun c'olbal ri co c'olic!

Salmib 46:10

“¡Mich'ujarisaj iwib! ¡Chich'obo' chi ri in in Dios! ¡In c'o paquiwi' ri nimak tak tinimit! ¡In c'o puwi' ronojel ri uwächulew!”

Elem 9:16

c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Ri Isaiy 37:20

Camic c'ut Ajawaxel ka Dios, chujto' la pa u k'ab rech conojel ri nimak tak tinimit cho ri uwächulew cäquetamaj chi ri lal, Ajawaxel, xuwi ri lal lal Dios.”

Ri Isaiy 52:10

Ri Ajawaxel u c'utum ri u cuinem chquiwäch conojel ri nimak tak tinimit. Pa ronojel ri uwächulew quetamax na chi ri ka Dios uj u colom.

Ri Isaiy 56:9

Chixpetok, juyubal tak awaj chixpetok, awaj aj c'ache'laj, che u bik'ic ri jumulaj;

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 34:20

Rumal c'u ri', quinban na chi quekaj pa qui k'ab ri quec'ulelanic ri e cämel, are c'ut ri cäminak tak qui cuerp quebajwataj che qui ti' tak ri c'uch xukuje' chque tak ri juyubal tak awaj.

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 3:29

Are c'u ri camic, quinya' takanic chi apachique winak ri cäyok'on che ri qui Dios we alabom ri', cäban ch'akatak che, ri rachoch cäban jumulaj ch'akatak xan che, apachique ta ne ri u tinimit, ri u nim tinimit, ri u ch'abal, man c'o ta chi c'u jun dios ri je ta colotajic wa' cubano.”

Ri Matey 24:28

Apawije' ta c'u ne c'o wi jun cäminak cuerp, chila' cäquimulij wi na quib ri c'uch.”

U Camulixic ri Pixab 28:26

Aretak catcämic, xa c'uch xukuje' awaj quetijow na ri a ti'jal, man c'o ta c'u jun quexibin na.

U Camulixic ri Pixab 7:2

Aretak ri Ajawaxel ri i Dios e u jachom chi we nimak tak tinimit ri' pa i k'ab xukuje' e ch'äctajinak chic iwumal, rajawaxic quisach qui wäch, c'o c'u jun c'ulwächinic miban cuc' mawi mitok'obisaj qui wäch.

U Camulixic ri Pixab 7:23

Are' c'u ri Ajawaxel ri i Dios quebujach na tak we nimak tinimit ri' pa i k'ab, nojimal cusach na qui wäch c'ä caq'uis na tzij paquiwi'.

Ri Josue 10:8

are' c'u ri Ajawaxel xubij che: “Maxe'j awib, quebenjach na pa a k'ab, man c'o ta jun chque ri cacuin ta che a ch'äquic.”

Ri Josue 4:24

Jeri' conojel ri tinimit ri e c'o cho ri uwächulew caquetamaj na chi sibalaj nim ri u cuinem ri Ajawaxel, are' c'u ri ix nim quiwil wi na amak'el ri Ajawaxel ri i Dios.”

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Nabe Samuel 17:44

Xubij chi c'u che: “Tasaj waral, quinya' c'u na ri a ti'jal che qui ti' ri c'uch xukuje' che qui ti' ri juyubal tak awaj.”