Nabe Samuel 17:36 - Quiché Bible

³⁶ Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.

Nabe Samuel 17:36 ပူးပေါင်းရင်းမြစ်များ

Ucab Tzijobelil 32:17

Ri Senaquerib xukuje' xebutz'ibaj wuj ri cuyac wi royowal ri Ajawaxel, ri Dios re Israel, ri je u yok'ic wa' xubano: “Je' jacha' ri e qui diosib tak ri tinimit re jule' tak ulew chic man xecuin taj xequito' ta pa nu k'ab, mawi c'u ne ri u Dios ri Ezequiy cacuinta che u to'ic ri u tinimit pa nu k'ab.”

Ri Isaiy 10:15

¿La cäcuin ta c'u lo ri icäj cuchomaj rib chi nim na u k'ij chuwäch ri cäcojowic? ¿Ri ramibal chuwäch ri casalabisanic? ¡Jacha' ri ch'ämiy ri xa' jun che' are ta cäsalabisan ri achi ri c'amowinak bic!

Ri Isaiy 36:15

We ri Ezequiy craj cucoj i c'u'x rech quicu'ba' i c'u'x chrij ri Ajawaxel, cubij c'u chiwe: ‘Ri Ajawaxel kas jic chi cujuto'tajisaj na ri are' man cuya' ta na c'olbal chi we tinimit ri' cakaj ta na pa u k'ab ri ajawinel re Asiriy,’

Ri Isaiy 36:18

We ri Ezequiy cubij chiwe chi quixuto' na ri Ajawaxel, mixsubataj rumal. ¿La c'o ta pa jun chque ri qui diosib ri jule' tak tinimit chic xcuin ta che u to'ic ri rulew pa u k'ab ri ajawinel re Asiriy?

Ri Ezequiel 28:10

Catcäm na pa qui k'ab winak ri man e a winakil taj, jacha' ri qui camic ri e k'ijilal tak diosib. In, ri Ajawaxel, in ch'awinak; in nu yo'm ri nu tzij.’ ”

Ri Ezequiel 32:19

¿La xa' ta pu lo sibalaj ta at je'l na, chquiwäch ri niq'uiaj chic? Chatkaj bic chatutz'uba' awib cuc' ri e k'ijilal tak diosib.’ ”

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Zacariy 12:3

Chupam ri k'ijol ri' quinjalwächij na ri Jerusalen pa jun abaj ri sibalaj al na chque conojel ri nimak tak tinimit. Cusoc c'u na apachique jun chque ri cutijtobej ta u ch'elexic. Conojel ri nimak tak tinimit caquimulij na quib che u banic c'ax che ri Jerusalen,

Ri Zacariy 2:8

Ri Ajawaxel ri c'o ronojel u cuinem in u takom che u ya'ic we tzijol ri' che u banic c'ax chque ri nimak tak tinimit ri xixquitoloba'. “Apachin ta ne ri cänakow ri nu tinimit cunak ri u c'u'x ri e nu bak'wäch. Rumal ri' kas in quintij na nu chuk'ab chquij tak we nimak tak tinimit ri', quinban c'u na chi kas e are' ri e qui lok'om pataninelab quetolobanic.” Je wa' cuban na ri Ajawaxel ri c'o ronojel u cuinem che u c'utic ri u juluwem, je c'u ri' qui ch'ob na ix chi are' xintakow ulok.

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Nabe Samuel 17:10

Pa we k'ij ri', quebentzur ri ajch'ojab ri e c'o pa Israel: ¡Chiya' jun achi chwe ri cäch'ojin wuc'!”

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

Nabe Samuel 17:35

quinterenej quinwesaj c'u pa u chi'; we c'u cäpe chwij quinchap che ri u cacate' quinchap c'u u ch'ayic c'ä quincämisaj na.

Nabe Samuel 17:37

Ri Ajawaxel in u to'tajisam man e cuininak ta ri rixq'uiak ri coj xukuje' ri e rech ri os chwe, xukuje' qui nu to'tajisaj na pu k'ab we pilistey ri'.” Xubij c'u ri Saul che: “Jät, are ba' ri Ajawaxel chatachilanok.”

Nabe Samuel 18:17

C'o jun k'ij ri Saul xubij che ri David: “Quinya' ri Merab chawe ri nabeal nu mia'l che awixokil, we cawaj chi catux jun cowilaj ajch'o'j quebaban c'ut ri e u ch'o'j ri Ajawaxel.” Ri Saul cuchomaj chi man rajawaxic taj chi are' ta cäcämisan ri David, xane' are' ta chebanow na ri aj pilisteyib.

Nabe Samuel 31:4

Rumal c'u ri' xubij che ri u c'al u ch'ojibal: “Chawesaj ri a ch'ich' re ch'o'j chajutu' chnupam, rech man quepe ta ri e k'ijilal tak diosib caquijut ta c'u ri qui ch'ich' re ch'o'j chnupam, que qui cot c'u na chwe.” Are c'u ri u c'al u ch'ojibal man xraj taj rumal rech chi sibalaj u xe'n rib. Xuc'am c'u ri Saul ri u ch'ich' re ch'o'j xuq'uiak rib puwi'.